Монголын ноолуурын салбарынхан Италийн дэвшилтэт технологитой танилцах айлчлал хийлээ

Ш.АДЪЯАМАА
2023/04/07

Монголын ноос, ноолуурын холбоо, Италийн тоног төхөөрөмж үйлдвэрлэгчдийн холбоо ACIMIT, Италийн худалдааны төв (ITA)-ийн хамтын ажиллагааны хүрээнд 2023 оны 3 дугаар сарын 26-ны өдрөөс 2023 оны 4 дүгээр сарын 01-ний өдрүүдэд Италийн Милан хотноо ноолуур үйлдвэрлэгчид ажлын айлчлал хийлээ.

Айлчлалын бүрэлдэхүүнд Хүнс, хөдөө аж ахуй, хөнгөн үйлдвэрийн яам, Монгол дахь Италийн элчин сайдын яам, Монголын ноос, ноолуурын холбоо, Говь, Кашмер Холдинг, Ханбогд Кашимер, Сор Кашемир, Монгол Нэхмэл, Сноу Филдс, Натурал Текстайл Групп, Баялаг-Өлзий, Нанс Кашемир, Мөнх Бумууд, Уужин, Лидер Кашемир, Говь-Эрдэнэ Кашмер, Өгөөж Шим, Гоёл Кашмер зэрэг үндэсний томоохон цогцолбор үйлдвэрлэгч компаниудын төлөөлөл оролцсон юм.

Ноолуур үйлдвэрлэгчид Италийн текстилийн салбарын сүүлийн үеийн дэвшилтэт ногоон технологи үйлдвэрлэгч STALAM, FADIS, SAVIO, ITEMA, C.P.S. зэрэг 20 гаруй ээрэх, нэхэх, гүйцэтгэн боловсруулах, лаборатори болон сав баглаа боодлын үйлдвэрүүдийн үйл ажиллагаатай танилцан хүрээлэн буй орчинд ээлтэй, уур, ус, цахилгааны хэмнэлттэй, хог хаягдалгүй, аюулгүй ажиллагааг хангасан машин, тоног төхөөрөмжүүдтэй танилцан, туршлага судалсан юм.

Айлчлалын үеэр ACIMIT буюу Италийн тоног төхөөрөмж үйлдвэрлэгчдийн холбооны захирал Федерико Пэллэгатад Монгол Улсын Засгийн газрын шагнал Хүнс, хөдөө аж ахуй, хөнгөн үйлдвэрийн яамны "Хүндэт жуух"-ыг гардуулан өглөө. ACIMIT нь Монголын ноос, ноолуурын холбооны дэргэдэх Текстилийн технологийн төвийг үүсгэн байгуулах суурийг тавилцаж, текстилийн үйлдвэрлэлийг хөгжүүлэх, Италийн дэвшилтэт техник, технологийг Монголд нэвтрүүлэх, нутагшуулах, бүтээгдэхүүн хөгжүүлэлт, туршилт судалгаа хийх, боловсон хүчнийг чадавхижуулж мэргэшүүлэх зэргээр монголын ноолуурын салбарын хөгжилд үнэтэй хувь нэмэр оруулсан юм.

Ноолуур үйлдвэрлэгчдийн Итали улсад хийсэн бизнес айлчлал нь 2023 оны 06 сарын 08-14-ны өдрүүдэд Итали улсын Милан хотноо зохион байгуулагдах “ITMA-2023” үзэсгэлэнг угтан шинэ тоног төхөөрөмжийн танилцуулга, мэргэшүүлэх сургалтыг нэгдсэн зохион байгуулалттай авснаар Италийн ногоон, дэвшилтэт тоног төхөөрөмжөөр үйлдвэртээ техник технологийн шинэчлэл хийж, салбарын хөгжлийг ахиулах, цаашдын хамтын ажиллагааг өргөжүүлэн бэхжүүлэхэд ач холбогдолтой юм. Цаашид монголын ноос ноолуурын холбоо болон Италийн тоног төхөөрөмж үйлдвэрлэгчдийн холбоо хамтын ажиллагааны хүрээнд текстилийн салбарыг хөгжүүлэх олон үр дүнт ажил хамтран хийхээр ажиллаж байна.


0
angry
0
care
1
haha
1
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Азийн хотуудын ардын урлаг, гар урлалын наадам маргааш эхэлнэ 1 цагийн өмнө
Баруун бүсийн нэр дэвшигчдийг багаар нь дэмжихийг Ерөнхий сайд Л.Оюун-Эрдэнэ ховдчуудаас хүслээ 1 цагийн өмнө
​Г.Дамдинням: Аялал жуулчлалын хоршооллыг хөнгөлөлттэй зээл, татварын бодлогоор дэмжинэ 2 цагийн өмнө
”ЕCO BIKE” цахилгаан дугуйн түрээсийн үйлчилгээ шинээр нэвтэрлээ 2 цагийн өмнө
“Бичил, жижиг, дунд үйлдвэр, үйлчилгээ эрхлэгчдийн өдөр 2024” энэ сарын 16-ны өдрийг хүртэл үргэлжилнэ 2 цагийн өмнө
Регистрийн дугаар, гэрийн хаяг, холбоо барих мэдээллээ хамгаалахыг зөвлөв 4 цагийн өмнө
Хөгжлийн бэрхшээлтэй хүүхэд хүлээн авах 11 зуслан байна 4 цагийн өмнө
МАН-ын дарга Л.Оюун-Эрдэнэ: Ардын намын ялалт Ард түмний ялалт болоход Алтай нутгийнхан онцгой үүрэг гүйцэтгэнэ 4 цагийн өмнө
Энэ онд 22 байршилд үерийн хамгаалалтын барилга байгууламжийг шинээр барина 4 цагийн өмнө
Цаг агаарын болон бэлчээрийн мэдээллийг гар утасны мессеж хэлбэрээр шуурхай хүлээн авах боломжтой 5 цагийн өмнө
Хангайн бүсэд хэрэгжүүлэх гурван төслийг танилцууллаа 5 цагийн өмнө
Генсек шиг генсек 5 цагийн өмнө
Сэтгүүлчид З.Мэндсайханы талаар юу ярив? 5 цагийн өмнө
СЕХ: Ч.Номин, Ч.Хүрэлбаатар нар мөнгө, сэтгүүл тараасан гомдлыг шалгаж байгаа 6 цагийн өмнө
Нэр дэвшигчид өглөөний алхалтаар мөрийн хөтөлбөрөө танилцуулж байна 6 цагийн өмнө
Иргэд үл хөдлөх хөрөнгөө нүүлгэн шилжүүлж, газраа чөлөөлж эхэллээ 6 цагийн өмнө
СЕХ-ноос Н.Номтойбаярыг нэр дэвшигчээр бүртгэхээр шийдвэрлэв 6 цагийн өмнө
“Тавантолгой төмөр зам” ХХК 1.5 сая.тонн ачаа тээвэрлэлээ 6 цагийн өмнө
УИХ-ын дарга Г.Занданшатар Гурванбулаг сумын иргэд, сонгогчидтой уулзлаа 6 цагийн өмнө
БНАЛАУ-ын Ерөнхийлөгч Тонглун Сисүлит гэргийн хамт дурсгалын мод тарилаа 7 цагийн өмнө