Л.Энх-Амгалан: Боловсролын зээлийн сангаас 27 тэрбум төгрөгийн зээл авсан 230 хүн сураггүй байна

Боловсролын зээлийн сангаас олгосон санхүүжилттэй холбоотой  мэдээллийг салбарын сайд нь  өнөөдөр /2023.04.07/ өглөө. 

Боловсрол шинжлэх ухааны сайд Л.Энх-Амгалан “Боловсролын зээлийн сангаас өнөөдрийг хүртэл олгогдсон зээл тэтгэлгүүд, чөлөөлөгдсөн хүмүүс ямар байдлаар чөлөөлөгдсөн нэгдсэн ойлголтыг хүргэж байна. Юу болоод өнгөрөсөн бэ, цаашид энэ сангийн мөнгийг хэрхэн олгох вэ гэдэг мэдээллийг тодорхой өгье.

1997 оноос хойш Боловсролын зээлийн сан ажиллаж эхэлсэн. Ингэхдээ давхардсан тоогоор 1.2 сая суралцагч буцалтгүй тусламж, тэтгэлэг авсан. Үүнд нэг их наяд 638 тэрбум төгрөг зарцуулагдсан. Харин дотоодын оюутнуудад олгосон хөнгөлөлттэй зээлийг 169.641 оюутан авсан. Үүнд 40 тэрбум төгрөг зарцуулагдсан. Мөн  оюутны хөгжлийн зээлийг 53.592 суралцагч авсан бөгөөд 78 тэрбум төгрөгийн зээлийг олгожээ.

 Нийтдээ оюутны зээлээс олгогдсон нэг их наяд төгрөгийн зээлийн 761 тэрбум төгрөг буюу 76 хувь нь дотоодын зээлд зарцуулагдсан. 

Өнөөдрийн байдлаар гадаадын өндөр хөгжилтэй оронд сурсан магистр, докторантурын тоо 1867 байна. Үүнээс гэрээний үүргээ биелүүлээгүй татвар төлөгчдийн 27 тэрбум төгрөг мөнгийг эрсдэлд оруулсан 230 оюутан байгаа. Энэхүү оюутнуудын нэрсийг зарласан" гэв.

 Тодруулбал, 

• 34 - төлж байгаа
• 39 - одоо суралцаж байгаа
• 40 - гэрээ цуцалж зээлээ буцаан төлсөн
• 230 - гэрээний үүргээ биелүүлээгүй, эрж хайж байгаа,
• 634 - гэрээ хэрэгжиж байгаа
• 890 - суралцагч чөлөөлөлтөд хамрагджээ. 

Гэрээний үүргээ биелүүлээгүй, сураггүй болсон 230 хүн Монголын төрд 27 тэрбум төгрөгийн хохирол учруулсан гэсэн үг. 

 Монгол Улсын оролцдоггүй сонгон шалгаруулалт байдаг аж. Тухайн улсын Засгийн газар оюутнаа сонгон шалгаруулж авдаг. Харин манай улс гэрээний дагуу үлдэгдэл төлбөр эсвэл амьдрах зардлыг олгодог аж. Үүнд, -Японы Засгийн газрын тэтгэлэг -Австралийн Засгийн газрын тэтгэлэг -БНХАУ-ын Засгийн газрын тэтгэлэг -ОХУ-ын Засгийн газрын тэтгэлэг -БНТУ-ын Засгийн газрын тэтгэлэг -БНЭУ-ын Засгийн газрын тэтгэлэг -Чехийн Засгийн газрын тэтгэлэгт хөтөлбөр. Эдгээрийн сонгон шалгаруулалтад манай улсын оролцоо байхгүй. 

Харин хамтарч сонгон шалгаруулалт хийдэг

-АНУ-ын фулбрайтын тэтгэлэг

-ИБУИНХУ-ын чевнингийн тэтгэлэг

-Унгарын тэтгэлэг

-Польшийн тэтгэлэг

-Вьетнамын тэтгэлэг

-Лаосын тэтгэлэг. Эдгээрийн сонгон шалгаруулалтад яам оролцдог учраас гадны нөлөө ордог байхыг үгүйсгэхгүй гэв.