МАН: 2022 онд эдийн засаг 4.8 хувиар өссөн 2023 онд 6 хувиар өснө

Улсын Их Хурал дахь Монгол ардын нам /МАН/-ын бүлгээс өнөөдөр /2023.04.10/ мэдээлэл хийлээ.

Эдийн засгийн хөгжлийн сайд Ч.ХҮРЭЛБААТАР:

-2022 онд Монгол Улсын эдийн засаг 4,8 хувиар өслөө. Цар тахлын хугацаанд өсөлт бага буюу хасах байсан. Энэ бүгдээс авч үзвэл цар тахлаас өмнөх буюу 2019 оноос өмнөх үетэй харьцуулахад 1,7 хувь өссөн байна. Цаашид улсын эдийн засгийг өсгөх бодлогын арга хэмжээг авч хэрэгжүүлэх зайлшгүй шаардлагатай байгаа. Саяхан Олон улсын валютын сангаас дэлхийн улс орнуудын эдийн засгийн нөхцөл байдлыг харьцуулан гаргасан. 2023-2024 онд дэлхий эдийн засгийн өсөлт бага байх хэдий ч Хятадын хувьд эдийн засгаа таван хувиар өсгөх зорилт тавьсан. Он гарснаас хойш эхний гурван сарын хугацаанд урд хөршийн эдийн засгийн өсөлт сайн үзүүлэлттэй байгаа нь Монгол Улсын эдийн засаг 2023 онд дор хаяж зургаан хувиар өснө гэсэн төсөөлөлтэй байна.

Тиймээс хөрөнгө оруулалтын таатай орчныг бүрдүүлэх хууль эрх зүйн оорчныг бүрдүүлэх шаардлага байгаа.  Хөрөнгө оруулалын хуульд өөрчлөлт оруулах саналыг иргэдээс авах ажлыг энэ 7 хоногт эхлүүлнэ.