Ж.Ганбат: Энэ сарын 28-нд нэг иргэн 100 гаруй мянган төгрөгийн ногдол ашиг авах эсэх нь тодорхой болно

“Эрдэнэс Тавантолгой” ХК-д тогтоосон онцгой дэглэмийн хугацаанд 800 сая ам.долларын орлого олсон тухай ЭТТ ХК-ийн Засгийн газрын Онцгой бүрэн эрхт төлөөлөгч Ж.Ганбат танилцуулсан. Ийнхүү үр ашигтай ажлаад эхэлж байгаа учир хувьцаа эзэмшигчдэд ногдол ашиг олгох уу гэсэн сэтгүүлчийн асуултад БЭТ Ж.Ганбат хариуллаа. 

Тэрбээр "Эрдэнэс Тавантолгой" ХК-ийн 18.4 хувийг 2012 оны дөрөвдүгээр сарын 11-нээс өмнө төрсөн 2.5 сая иргэн эзэмшиж буй. 2020 онд ногдол ашиг тараахад нэг иргэнд 96 мянган төгрөгийг олгосон юм билээ. Бид одоогоор угаах үйлдвэрээ дуусгах шаардлага бий. Гэхдээ тараах эсэх дээр тодорхой шийдвэр гараагүй байна. Тараалаа гэхэд нэг иргэн 100 гаруй мянган төгрөгийн ногдол ашиг авна. Энэ сарын 28-ны өдөр болох хувьцаа эзэмшигчдийн хурлаар ногдол ашиг тараах эсэх тодорхой болно" гэв.