БНСУ-д ажиллах хүсэлтэй иргэдийг өнөөдөр бүртгэнэ

Ц.Цэрэнбадам
2023/04/17

Хөдөлмөр, нийгмийн хамгааллын яам нь БНСУ-ын Хөдөлмөрийн яамтай байгуулсан санамж бичгийн хүрээнд тус улстай ажиллах гэрээт ажилчдыг илгээдэг. Тэгвэл  БНСУ-д гэрээгээр ажиллах иргэдийн энэ оны хоёр дахь удаагийн бүртгэл өнөөдөр болно. Бүртгэл ehalamj.mn сайтаар явагдах юм.

Түүнчлэн солонгос хэлний түвшин тогтоох шалгалтыг өнөөдөр зохион байгуулах аж. Эхний ээлжид бүртгэл хийлгэж таван асуултаас гуравт нь зөв хариулсан тохиолдолд хэлний шалгалтад орох эрх нээгдэнэ. Сонгогдсон хүмүүсээс эцсийн шалгаруулалт буюу хэлний шалгалт, ур чадварын шалгалтын дүнг нэгтгэж, өндөр онооны дарааллаар төлөвлөж буй тоонд тэнцүүлэх юм.

Бүртгэл хийхтэй холбоотой товч мэдээлэл

  • Бүртгүүлэх хүсэлтэй иргэд www.ehalamj.mn-д өнөөдөр 09:00-17:30 цагийн хооронд нэвтэрч бүртгэл хийлгэнэ. Бүртгэлийн тооны дээд хязгаарыг и-халамж бүртгэлийн хуудас дээр зааж өгсөн байх бөгөөд бүртгэх квот дуусмагц бүртгэлийн систем хаагдана.
  • Системд ухаалаг гар утас, компьютер, таблет зэргээс нэвтрэх боломжтой.
  • Солонгос хэлний анхан шатны хэлний мэдлэг шалгах тестийн таван асуултын гуравт нь зөв хариулсан тохиолдолд бүртгэл үргэлжлүүлэн хийгдэнэ.
  • Бүртгүүлэх явцад төлбөрийн хураамж төлөх дансны дугаар, гүйлгээний утга автоматаар гарч ирнэ.
  • Бүртгэл хийгдэж, цахим системд заасан хугацаанд төлбөр төлөгдсөний дараа бичиг баримтыг зургаар оруулна. Бүртгүүлэхдээ гадаад паспорт эсвэл иргэний цахим үнэмлэх, цагаан дэвсгэр дээр бараан хувцастай эгц урдаас харсан нэг хувь цээж зургийг урьдчилан зурган файлаар бэлтгэн заасан хэмжээг бүрэн багтааж цахимаар оруулна.
  • Дахин нэвтэрч ороход нэвтрэх нэр нь регистрын дугаар, нууц дугаар нь бүртгүүлсэн гар утасны дугаар байна.
  • Үйлчилгээний салбарт сонгон шалгаруулж авах хүний тоо 207
  • 2023 оны бүртгэлд хамрагдсан иргэдийг дахин бүртгэхгүй

Төлбөр хураамжийн талаарх мэдээлэл

  • Бүртгэлийн системээс гүйлгээний утгыг зааж өгөх бөгөөд заавал тухайн утгаар шилжүүлсэн байна. /Гүйлгээний утга латин “Q” үсгээр эхэлсэн байна/
  • Өөрийн бүртгэлтэй утасны дугаарыг зөв бичнэ. Төлбөр төлөгдөж, баталгаажсан иргэнд ХХҮЕГ-ын 131288 тусгай дугаараас бүртгүүлсэн гар утасны дугаарт 5040…. дугаарыг мессэжээр илгээнэ.
  • Бүртгэл хураамжийг бүртгэл хийгдэх өдөр буюу 17-ны өдөр 28 ам.доллартой тэнцэх монгол төгрөгийг бүртгэлийн программд гарч ирсэн дансанд тухайн өдрийн Төрийн банкны зарласан /Зарах/ ханшаар тооцуулан тушаана. Бүртгүүлэх иргэн өөрийн нэр дээрх Төрийн банкны дансгүй тохиолдолд өөрийн төрөл садан, найз нөхдийн дансаар шилжүүлэг хийх үед гүйлгээний утга дээр цахим бүртгэлийн систем дээр өгөгдсөн “Q” үсгийн араас тоон утга бүхий 11 оронтой кодыг зөв гаргацтай бичнэ.
  • Бүртгүүлэх иргэдэд тавигдах шаардлага
  • 18- 39 настай байх (1983 оны дөрөвдүгээр сарын 19-нөөс 2005 оны дөрөвдүгээр сарын 18-ны өдрийн хооронд төрсөн байх);
  • Хорих ялтай эсвэл түүнээс илүү хүнд ялтай гэмт хэрэгт холбогдоогүй байх;
  • БНСУ-аас албадан гаргах буюу тус Улсыг орхин явах захирамж гаргуулж байгаагүй байх;
  • БНСУ-ын ЭСЯ-нд виз мэдүүлж татгалзсан хариуг удаа дараа авсан бол гэрээний цахим визийн зөвшөөрөл татгалзах эрсдэлтэй;
  • БНСУ-д суралцах болон хөдөлмөрийн гэрээт ажилтнаар ажиллах оршин суух хугацаандаа зөрчил /замын хөдөлгөөний дүрэм зөрчиж, төлбөр төлөөгүй, торгууль төлсөн, сайн дураараа нутаг буцаж ирсэн иргэд/. Хэдийгээр бүртгэгдэж ажлын санал ирдэг ч БНСУ-ын Хууль зүйн яамнаас шалгагдаж татгалзсан хариу ирдэг тул бүртгүүлэхгүй байх;
  • Монгол Улсаас гарах эрхээ хязгаарлуулаагүй байх;
  • Харааны харалган буюу өнгө ялгах чадвартай байх (нурууны үений диск, гарын сарвуу дутуу тохиолдолд хэлний шалгалтад орж болох хэдий ч 2 дахь шалгалтад ажил үүрэг гүйцэтгэх чадамжгүй гэж үзэн хасах болно);
  • Мэргэжлийн бус ажилчны E-9, усан онгоцны ажлын E-10 визээр БНСУ-д 5 жил буюу 60 сар, түүнээс дээш жил ажиллаагүй байх;
  • Хууль бусаар оршин суугчаар ажиллаж, амьдарч байгаад БНСУ-ын өршөөлийн тухай хуулиар нутаг буцаж ирсэн иргэд Е-9 ангиллын визээр бүртгүүлэх боломжгүй

Шалгалтын хуваарийг hudulmur-halamj.gov.mnmonkor.net сайтад зарлан мэдэгдэх юм байна. Мөн бүртгэгдсэн болон шалгалтын хуваарийг бүртгэлтэй гар утасны дугаарт илгээх бөгөөд 131288 тусгай дугаараас зурвас ирээгүй бол ХХҮЕГ-т өөрийн биеэр очиж мэдээлэл авах хэрэгтэй.

АНХААРУУЛГА

  • ШАЛГАЛТ ӨГӨХ ХУВААРИЙГ WWW.HUDULMUR-HALAMJ.GOV.MN, WWW.MONKOR.NET ЦАХИМ ХУУДСАНД ТУХАЙ БҮРТ ЗАРЛАН МЭДЭГДЭНЭ.
  • СУРГАЛТЫН БАЙГУУЛЛАГА, ХУВЬ ИРГЭДЭЭР ДАМЖУУЛАН АЛИВАА ЗАЛИЛАХ ГЭМТ ХЭРГИЙН ХОХИРОГЧ БОЛОХООС УРЬДЧИЛАН СЭРГИЙЛЭХ.
  • БНСУ-ЫН АЖ ҮЙЛДВЭР ХҮНИЙ НӨӨЦИЙН ХЭРЭГ ЭРХЛЭХ ГАЗРААС ИРҮҮЛСЭН ХӨДӨЛМӨР ЭРХЛЭХ ЗӨВШӨӨРӨЛ ОЛГОХ ОНООНЫ ТОГТОЛЦООНЫ ДЭЛГЭРЭНГҮЙ ЗАРЫГ  https://www.hudulmur-halamj.gov.mn/content/5706 ХАРНА УУ.

0
angry
0
care
0
haha
0
liked
0
love
1
sad
0
wow

Сэтгэгдэл

Zarig.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
Шинэ мэдээ
Сэтгүүлч Б.Ганчимэг: Самандын Жавхлан бол өөрийгөө олсон хүн 2 цагийн өмнө
“Үндэсний Эвсэл”-ийн Төвийн бүсэд нэр дэвшигчид юу хэлэв? 5 цагийн өмнө
З.Мэндсайхан: Надад ажил хэрэгч төлөвлөгөө байна, хийх л үлдлээ 5 цагийн өмнө
Э.Батшугар: Тамирчдыг дэмжсэн аж ахуйн нэгжид татварын дэмжлэг үзүүлэх нөхцөлийг бүрдүүлсэн 7 цагийн өмнө
Гадаадад байгаа Монголчууд Ерөнхий сайд Л.Оюун-Эрдэнийг багаар нь дэмжиж байна 7 цагийн өмнө
Хамгийн хөөрхөн, ухаалаг, загварлаг зөөгч робот 7 цагийн өмнө
Аюулт үзэгдэл, ослын үед ажиллахад шаардлагатай багаж, хэрэгслийг хүлээлгэн өглөө 8 цагийн өмнө
Сагсчин Б.Билгүүн, Д.Мөнхтүвшин нар Н.Амаржинг дэмжихээ илэрхийлэв 8 цагийн өмнө
Г.Дамдинням, Т.Мөнхсайхан нар крашын тоогоороо тэргүүлж байна 10 цагийн өмнө
“Үндэсний Эвсэл”-ийн тэргүүн Төв аймгийн иргэд, сонгогчидтой уулзлаа 11 цагийн өмнө
Сэлбэ голын голдирлыг тэлж, түшиц хана барих ажлыг эхлүүллээ 12 цагийн өмнө
Өнөөдрөөс шөнийн автобус явж эхэлнэ 12 цагийн өмнө
АНУ-ын Нью мексико мужид гарсан ой, хээрийн түймрийн улмаас онц байдал зарлалаа 13 цагийн өмнө
Түр зуурын усархаг бороонд Налайх дүүрэгт 5 гэр усанд автжээ 13 цагийн өмнө
“Үндэсний Эвсэл”-ийн тэргүүн Өмнөговь, Дундговь аймгийн иргэд, сонгогчидтой уулзлаа 14 цагийн өмнө
Өнөөдөр гадаадад суугаа сонгогчдоос санал авах эхний өдөр 14 цагийн өмнө
Улаанбаатар хотын бондын анхдагч арилжааг нээж, цан цохилоо 14 цагийн өмнө
О.Батнайрамдал: Өрсөлдөөн бол миний амьдрал 14 цагийн өмнө
Борооны ус тогтсон байршилд аритгал халдваргүйжүүлэлт хийлээ 14 цагийн өмнө
Борооны өмнөх хүчтэй салхи, мөндөр, үер, усны аюулаас сэрэмжтэй байхыг онцгойлон анхааруулж байна 15 цагийн өмнө