Д.Амарбаясгалан: 152 гишүүнтэй болвол нэг өрөөнд хоёр гишүүн суух боломжтой

УИХ-ын гишүүний тоог 152 болгох асуудлаар ЗГХЭГ-ын дарга Д.Амарбаясгалангийн байр суурийг хүргэж байна.

Хэд хэдэн субьектив асуудал хөндөгддөг. Байшин сав багтах уу? Зардал мөнгө ихсэх юм биш үү? гэхчлэн. Өнөөдөр 76 гишүүнд жилдээ 10 орчим тэрбум төгрөгийн урсгал зардал гарч байна. Цаашид 152 болоход бид 10 тэрбумдаа ч барих боломж нь байна. Шаардлагатай гэж үзвэл 20 тэрбум болгох боломж Монгол улсын төсөв санхүүд байгаа. Та бүхэн мэдэж байгаа төрийн өмчит компаниудын засаглалыг сайжруулах зорилгоор зарим арга хэмжээг засгийн газраас авч хийж байна. Төрийн өмчийн бодлого зохицуулалтын газар болон Эрдэнэс Монголын харьяанд байгаа төрийн өмчит компаниудын ТУЗ-ийг байхгүй болгох, тодорхой компаниудыг татан буулгаж үйл ажиллагааны чиглэлээр нь нийлүүлсний үр дүнд 30 гаруй тэрбум төгрөг хэмнэх боломж байна. Бид хаанаа хэмнэх ёстой вэ? гэдгээ сайн бодох ёстой.