Л.Гантөмөр: С.Зориг агсны хэргийг илрүүлэх боломж байсан, харамсалтай нь улстөржүүлж ардчилалд хар толбо үлдээсэн

Прокурорын байгууллагаас С.Зориг агсны хэрэгт ял эдэлж байсан Т.Чимэгээ, Б.Содномдаржаа нарыг гэмт хэрэг хийсэн шалтгаан нөхцөл тогтоогдохгүй байна хэмээн үзэж хаасан. Үүнтэй холбогдуулан өнөөдөр /2023.04.20/ Ардчилсан намын үе үеийн удирдлагууд хамтын ажиллагаа, ойлголцлын уулзалт хийсэн талаар мэдэгдэл хийлээ. 

Ардчилсан намын дарга Л.Гантөмөр "С.Зориг агсаны төрсөн өдөр өнөөдөр тохиож байна. Ардчилсан намынхан эв эеийг сахиж, хамтарч, нэгдэж байгаа тангарагийг өргөж байна. Бид талийгаачийг байнга санан дурсдаг. Монголчууд бидний улс төрд хандах дөрвөн зарчмыг аугаа улстөрч бидэнд үлдээсэн байдаг. Өнөөдрийг хүртэл зориг агсны амь насыг бүрэлгэсэн хэргийг илрүүлэх боломж байсан. Гэтэл улс төрд ашигласан. Ашиглах бүртээ энэ хэргийг Ардчилсан нам руу чихэж, гүтгэж ирсэн.  Энэ хэргээр далимдуулж улс төр хийж байгаа нь ардчилалын хар толбо юм. Хэргийг илрүүлэх шаардлагыг байнга тавьж байх болно. Хууль хүчнийхэндээ итгэх ёстой" гэлээ