Нийслэлийн прокурорын газраас төр нийгмийн нэрт зүтгэлтэн С.Зоригийн хэрэгт буруутгагдаж байсан Т.Чимэгээ, Б.Содномдаржаа нарын хэргийг хэрэгсэхгүй болсон шийдвэрийг өчигдөр /2023.04.19/ мэдээлсэн. Уг хэрэгтэй холбогдуулан Нийслэлийн Засаг дарга бөгөөд Улаанбаатар хотын захирагч асан Э.Бат-Үүл өөрийн цахим хуудастаа 25 тэрбум төгрөг нэхэмжлэх тухайгаа нийтэлсэн байна.
Тэрбээр "Би тултал нь явж заргалдаж байгаад МАН-аас хохирлоо гаргуулна. Тэгээд, тэр мөнгөнийхөө нэг хэсгээр нь Ардчилсан Намын дэргэд баруун төвийн улстөрчдийг бэлтгэдэг, Зоригийн нэрэмжит Академи байгуулах олон жилийн мөрөөдлөө хэрэгжүүлнэ!
Зоригийг хөнөөсөн алуурчдыг олохоос илүүтэй, түүний амь насны хэргээр улстөр тоглосон Нямдорж тэргүүтэй МАН-ын новшийн бузар явдлыг хараад нөхрийнхөө өмнөөс 25 жил гол харлаж харуусч явсан юм. Боловсрол хомс нийгэм ямар амархан тархиа угаалгаж явдгийг хараад гол харлаж харуусч явсан юм. Тэгээд, өнгөрсөн хойноо ч "зовж дуусаагүй" Зоригтоо зориулан Академи босгохоор мөрөөддөг болсон билээ! Тэр Академи босох өдөр ирнэ ээ" гэжээ.
Сэтгэгдэл (0)
Сэтгэгдэл бичигдээгүй байна