Л.Гантөмөр: С.Зориг агсны төрсөн өдрөөр намын тамга эргэн ирлээ

Ардчилсан намын дотоодод үүсээд байсан асуудал нэг талдаа гарч нэгдмэл болсон тухай намын дарга Л.Гантөмөр өнөөдөр С.Зориг агсны хөшөөнд цэцэг өргөх үеэр мэдэгдсэн. Үүний дараагаар С.Эрдэнэд байсан гэх намын тамгыг намын дарга Л.Гантөмөрт хүлээлгэн өглөө. 

Л.Гантөмөр "Би ханиадтай байгаа учир масктай байгаа юм. Түүнээс гадна өнгөрсөн хугацаанд бид дуртайдаа хэрэлдэж, зодолдоод байсан зүйлгүй. Намын хагаралд корона нэг оролцогч нь байсан. Уулзалдахгүй болохоороо ойлголцдоггүй юм байна. Ардчилсан нам коронадсан байсан. Үүнийг сануулах гэж масктай байгаа юм. 

АН-ын 33 жилийн ойгоор намын дарга батламжлагдсан. Өнөөдөр харин С.Зориг агсны төрсөн өдрөөр намын тамга эргэн ирлээ" гэв.