“Улаанбаатар-Олон улсын хөрөнгө оруулалт, түншлэлийн форум”-ыг амжилттай зохион байгууллаа

Ш.АДЪЯАМАА
2023/04/21

Улаанбаатар хотод тулгамдаж буй асуудлыг шийдвэрлэх томоохон бүтээн байгуулалтад гадаад, дотоодын хөрөнгө оруулагчдыг татан оролцуулах, төр, хувийн хэвшлийн түншлэлийг өргөжүүлэх зорилгоор НЗДТГ, Улаанбаатар хотын Худалдааны танхим хамтран “Шинэ сэргэлт-Улаанбаатар” уриан дор “Улаанбаатар-Олон улсын хөрөнгө оруулалт, түншлэлийн форум”-ыг амжилттай зохион байгууллаа.

Нийслэл хотын хувьд хөрөнгө оруулалтын форумыг 2015 оноос хойш зохион байгуулж ирсэн бөгөөд хотын хөгжил дэвшилд үнэтэй хувь нэмэр оруулж буй дотоодын компани, аж ахуйн нэгжүүдэд бодлого, төлөвлөлтөө танилцуулан, санал солилцож байв.

Харин энэ жил гадаад, дотоодын хөрөнгө оруулагч, аж ахуйн нэгжүүд болон хамтын ажиллагаатай байгууллага, Элчин сайдын яамд, ах, эгч дүүгийн харилцаат хотын төлөөлөл тэргүүтэй 500 орчим зочин, төлөөлөгч оролцсон.

Арга хэмжээний үеэр хөрөнгө оруулалт шаардлагатай, мөн төр, хувийн хэвшлийн түншлэлээр хамтран хэрэгжүүлэх томоохон бүтээн байгуулалтын 50 төслийг танилцуулсан. Түүнчлэн шинэ санаа, үйл ажиллагааныхаа талаар аж ахуйн нэгж, байгууллагууд танилцуулан хэлэлцүүлэг өрнүүллээ.

Тухайлбал, “Талын Метал Нутаг” ХХК-ийн гүйцэтгэх захирал Б.Асхар нунтаг төмөрлөгийн үйлдвэрийн өргөтгөлийн төслийг танилцуулсан бол “Хот, нийтийн аж ахуйн өнөөгийн байдал, төр, хувийн хэвшлийн түншлэлийн боломж” сэдвээр Улаанбаатар хотын Ерөнхий менежер бөгөөд Захирагчийн ажлын албаны дарга М.Баяраа илтгэл тавьсан.

Мянганы сорилтын сангаас хэрэгжүүлж буй Улаанбаатар хотын нийт ус хангамжийг нэмэгдүүлэх хөтөлбөрийн талаар мэдээлэл өгч, нийслэлийн урт хугацааны тогтвортой хөгжилд хөрөнгө оруулах ухаалаг боломжуудын талаар онцлов. Хотын утааг багасгах, ая тухтай амьдрах нөхцөлийг бүрдүүлэх хүрээнд хэрэгжүүлэхээр төлөвлөж буй орон сууцны төсөл, хөтөлбөрүүд, энэ салбарын санхүүжилтийн тогтолцоо, хөрөнгө оруулалт татах боломжийн талаар МИК ОССК, Нийслэлийн орон сууцны корпораци ХК-иас танилцууллаа.  

Улаанбаатар хотод тулгамдаж буй байгаль орчин, дэд бүтцийн асуудлыг шийдэх, хот төлөвлөлт, барилга, замын бүтээн байгуулалтад хувийн хэвшилтэй хамтын ажиллагаагаа өргөжүүлэх, төрийн зарим чиг үүргийг хувийн хэвшлээр гүйцэтгүүлэх чиглэлээр 14 санамж бичиг, гурван гэрээ байгуулав. Тухайлбал, “HUB Инновацийн төв” дээр танилцуулсан гарааны компаниуд дараачийн шатны хөрөнгө оруулалтаа татах гэрээ, хэлцлүүдийг хийж чадсан байна. Түүнчлэн хот, нийтийн аж ахуйн зарим ажлыг хувийн хэвшлээр гүйцэтгүүлэхэд хамтран ажиллахаар Улаанбаатар хотын Захирагчийн ажлын алба таван аж ахуйн нэгжтэй гэрээ байгуулав.

Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн арга хэмжээг хааж “Өнөөдрийн форумын үр дүн маргаашаас ажил хэрэг болно. Цаашид Улаанбаатар хотыг бизнес, хөрөнгө оруулалтын таатай орчин бүхий эрүүл, аюулгүй амьдрах нөхцөл бүрдсэн, байгальд ээлтэй, бүс нутгийн санхүү, бизнесийн төв хот болгон хөгжүүлэхэд бид хувийн хэвшилтэйгээ нягт хамтран ажиллах болно гэдгээ дуулгахад таатай байна” хэмээлээ.

“Улаанбаатар-Олон улсын хөрөнгө оруулалт, түншлэлийн форум”-ын үеэр мөн “Нийслэлийн Жижиг, дунд үйлдвэр, үйлчилгээг дэмжих төв” НӨҮГ-аас жижиг, дунд үйлдвэр, үйлчилгээний салбарын өнөөгийн нөхцөл байдлыг танилцуулж, цаашдын хамтын ажиллагааны саналуудаа дотоод, гадаадын хөрөнгө оруулагчид болон хамтран ажиллах байгууллагуудад хүргүүлсэн юм.

Асуудлыг үндсээр нь шийдэх том хөрөнгө оруулалтыг татах, улаанбаатарчуудад тулгамдаж буй асуудлыг шийдэхэд төр, хувийн хэвшил, олон улсын байгууллага нэгдэж хамтран ажиллах хөрс ийнхүү бүрдлээ.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Л.Гантөмөр: Энэ удаагийн сонгуулиас Монголын ирээдүй шууд хамаарна 5 цагийн өмнө
Л.Оюун-Эрдэнэ: Англи хэлийг албан ёсны хоёр дахь хэл болгох ажлыг Г.Дамдинням зориг гарган манлайлсан 5 цагийн өмнө
М.Бадарч: Цол, чимгээ нөхөж авч байгаа бөхчүүддээ баяр хүргэе, би допинг хэрэглээгүй учраас эцсийг нь хүртэл явна 5 цагийн өмнө
Өргөө кино театраас 3,4-р хорооллын эцэс хүртэлх замын хөдөлгөөнийг нээжээ 5 цагийн өмнө
Дарь-Эхчүүд МАН-аас нэр дэвшигчдийг багаар нь дэмжиж байна 5 цагийн өмнө
Л.Оюун-Эрдэнэ: О.Батнайрамдалыг сонгох та бүхний сонголт мянга, мянган залуусыг эх орондоо дуудах уухайн түрлэг байх юм шүү 6 цагийн өмнө
Түүнд туулах ёстой урт зам бий 7 цагийн өмнө
“Эрэл групп”-ийн зүүн талаар өнгөрөх авто замын хөдөлгөөнийг нээлээ 7 цагийн өмнө
Өвөрхангай аймгийн Сант сумын АН-ын дарга бусдын гарт амиа алджээ 7 цагийн өмнө
Баянголчууд ардчилсан намын нэр дэвшигчдийг багаар нь дэмжинэ 7 цагийн өмнө
ҮНДЭСНИЙ ЭВСЭЛ: Татварыг дээрэм биш, дэмжлэг болгоно 10 цагийн өмнө
“Шинэ хоршоо” хөдөлгөөний хүрээнд 3778 хоршоо байгуулагдаж, 38464 малчин хоршоонд нэгдлээ 21 цагийн өмнө
Н.Номтойбаяр: Авлигатай тэмцэнэ гэдэг Ардын намтай тэмцэнэ гэсэн үг 22 цагийн өмнө
Б.Тулга: Төвийн бүс нь Монгол Улсын хүнсний хэрэгцээг хангах стратегийн ач холбогдолтой 23 цагийн өмнө
Ц.Баатархүү: МАН тасралтгүй 8 жил засаглахдаа хотын түгжрэлийг бууруулах нэг ч шийдэл гаргаагүй 23 цагийн өмнө
Ц.Эрдэнэбат: Технологийн шийдлийг нэвтрүүлэхэд улс төрийн манлайлал, эр зориг хэрэгтэй 23 цагийн өмнө
Би яагаад нэр дэвших болов?  23 цагийн өмнө
Тэтгэвэр, тэтгэмжийн хагас хуримтлалын тогтолцоонд шилжүүлнэ Өчигдөр
Г.Дамдинням: Дархан, Сэлэнгэ, Төв аймаг үйлдвэрлэл, хөдөө аж ахуйн төв болно Өчигдөр
ҮНДЭСНИЙ ЭВСЭЛ: Ухаалаг хотын цогц, шинэ төлөвлөлтийг хэрэгжүүлнэ Өчигдөр