Ил задгай хог шатааж байсан иргэнд торгуулийн арга хэмжээ авчээ

Баянзүрх, Сүхбаатар, Чингэлтэй, Хан-Уул, Сонгинохайрхан дүүргүүдийн ногоон бүсийн 29 чиглэлд 22 албан хаагч, 5 нэгж техник хэрэгсэлтэй, ой хээрийн гал түймэр унтраах 60 багаж хэрэгсэлтэй үүрэг гүйцэтгэн ажилласан байна.

Үүрэг гүйцэтгэх хугацаанд 4 удаагийн зөрчил илрүүлж газар дээр нь арилгуулж ажилласан байна. Ногоон бүсэд зорчиж байсан 35 автомашинтай 130 иргэнд сэрэмжлүүлэг хүргэжээ.

Сүхбаатар дүүргийн 20 дугаар хороонд оршин суудаг иргэн Ц ил задгай талбайд хог шатааж байхад нь өөрөөр нь унтраалгаж зөрчилийн тухай хуулиар торгуулийн арга хэмжээ авч ажилласан байна.

Хаврын хуурайшилтын улиралд ил задгай гал түлэхгүй байхыг нийслэлийн Онцгой байдлын газраас онцгойлон анхааруулсаар байгаа билээ.