Х.Нямбаатар: Н.Удаанжаргалын байршлыг тогтоосон, тухайн газрыг нь хэлэх боломжгүй

Хууль зүй, дотоод хэргийн сайд Ц.Нямбаатар цаг үеийн асуудлаар манай сэтгүүлчид тайлбар өглөө. 

Бид анх удаагаа гадагшаа оргон зайлсан хүмүүсээ авч ирсэн. Гаднын улс орнуудтай байгуулсан эрх зүйн талаар харилцан туслалцах гэрээг манайх 20 гаруй улстай, 30 гаруй төрлийн гэрээ байгуулсан. Ер нь эрх зүйн талаар харилцан туслах гэрээ хэд хэдэн төрөл байдаг. Эрүү, иргэний хэрэгт харилцан туслалцаа үзүүлэх, ялтан шилжүүлэх, тухайн улс орны шүүхийн болон арбитрын шийдвэрийг харилцан хүлээн зөвшөөрөх гэхчлэн.

Н.Удаанжаргалын тухайд, мэдээлэл цуглуулж, тухайн улс орны хууль шүүхийн байгууллагуудтай харилцаж байгаа. Та бүхний ярьж байгаа шиг яг тэр улс оронд байгаа гээд хэлэх боломжгүй. Эрүүгийн цагдаагийн байгууллага, АТГ-ын хийж байгаа ажил.

Лхагва гарагт Засгийн газрын хуралдааны дараа  "Шувуу" ажиллагааны талаар хэвлэлийн бага хурал хийж мэдээлэл өгнө.