Орхон аймагт ажиллаж, амьдрахаар сонголтоо хийсэн оюутан, залууст "Ногоон карт" олгож байна

ШУТИС-ийн Эрчим хүч, Барилга архитектурын сургуулийн оюутнуудтай уулзаж Орхон аймагт хэрэгцээтэй байгаа ажлын байрны мэдээллээ танилцууллаа.

Орхон аймагт ойрын хоёр жилийн хугацаанд цахилгаан хангамжийн инженер, дулаан хангамжийн инженер, архитектур гэх мэт 9 мэргэжлээр 20 гаруй боловсон хүчин шаардлагатай.

Сонирхсон мэргэжил, чиглэлээрээ манай аймагт ирж дадлага хийвэл бид бүхий л талаар дэмжих саналыг тавихад оюутнууд маань таатай хүлээн авч байна.

Монгол Улсын Засгийн газраас “Шинэ сэргэлтийн бодлого”-ын “Хот, хөдөөгийн сэргэлт” зорилтыг хэрэгжүүлж буй.
Үүний хүрээнд Улаанбаатар хотоос орон нутагт шилжин суурьших иргэд, ААНБ-ыг дэмжих “Хамтдаа Эрдэнэтэд хөгжье” хөтөлбөрийг аймгийн ИТХ-ын хуралдаанаар батлуулсан.

Хөтөлбөрийн эхний үйл ажиллагаа өнөөдөр их, дээд сургуулиуд дээр зохион байгуулж буй "Хамтдаа Эрдэнэтэд хөгжье" өдөрлөг, уулзалт юм