Үндэсний статистикийн хорооны мэдээгээр улсын хэмжээнд нэг ажилтанд ногдох сарын дундаж цалин 1573.1 мянган төгрөг байна. Тэгвэл соёл урлагийн ажилтнууд бага цалин авдаг учир гадны улсад хар ажил хийж байгаа тухай олон нийтийн сүлжээнд ихээр цацагдах болсон. Чойжин ламын сүм музейн ажилчид олон нийтэд мэдээлэл хийх үеэрээ 580 мянган төгрөгийн цалин авдаг тухай мөн мэдээлж байсан юм.
Тэгвэл хагас сарын цалин 366 мянган төгрөг авсан дуурийн дуулаач урлагийнхныг ажил хаяхад уриалсан байна.
Тэрбээр өөрийн цахим хуудастаа "Миний Мөрөөдөл Солонгос улсад очиж ХАР АЖИЛ хийх. Би СУИС-ыг Дуурийн дуулаач мэргэжлээр 2009 онд ОНЦ дүнтэй төгсөж одоог хүртэл Улсын Дуурь Бүжгийн Эрдмийн Театрт 14 дэх жилдээ Найрал дуучнаар ажиллаж байна. Анх театрт ороод цалин бага санагдсан ч Сонгодог урлагт хайртай мэргэжилдээ дуртай болохоор бүх зүйл сайхан болно доо гэж зүтгэсээр нэгэнт он цагийг ардаа орхижээ. Манай урлагийнхан мэргэжилдээ үнэнч маш их тэвчээртэй хүмүүс байдаг. Улс орны бүхий л баяр ёслол, найр наадам,Төрийн концертонд оролцдог.
Гэвч үнэндээ цаашид энэ салбартаа ингээд чимээгүй ажиллаж амь зууж явж чадахгүй нь ээ. Тэсвэр тэвчээр маань үнэхээр барагдлаа.
Монгол улсад байгаа Соёл урлагийн бүх ажилтан алба хаагчдыгаа уриалж байна, Бүгд ажил хаяцгаая, Нэг ч тоглолт баяр наадамд оролцохгүй байцгаая!!!!
Миний хагас сарын цалин буужээ. Энэ мөнгөөр ар гэр амьдрал ахуйгаа яаж авч явах вэ?" гэжээ
Сэтгэгдэл (0)
Сэтгэгдэл бичигдээгүй байна