Боловсрол, шинжлэх ухааны сайд асан Ц.Цогзолмаа БЗС-ийн асуудлаар мэдээлэл өглөө.
Боловсрол, шинжлэх ухааны сайд асан Ц.Цогзолмаа: Тухайн оюутнуудад олгох зээлийн хэмжээ жил бүр өөрөөр төсөвт мөнгө нь тавигддаг. Дэлхийн топ 100 сургуульд суралцах хүүхдүүдийг манай улсын БШУЯ шалгаруулдаггүй. Тухайн сургуульд хүүхдүүд шалгалтаа өгч тэнцээд, урилга, сургалтын төлбөрийн нэхэмжлэхээ авчирч үзүүлдэг. Улмаар шалгуурыг нь хангасан хүүхэд мөн юм байна гэдгээр асуудалд ханддаг. Сайд дангаараа мэдэж шийддэггүй. Материалыг нь шалгаад, олон хүмүүс гарын үсэг зурсны дараа болсон гэж үзвэл төгсгөлд нь сайд тушаалаа гаргадаг. Үүний дараа мөнгө нь шилждэг.
Тэтгэлэг гэдэг нь өөр зүйл. Онооны шалгуур хангаж, шалгалтаа амжилттай өгсөн хүүхдүүдэд тэтгэлэг олгогддог. Засгийн газрын тэтгэлэг, зээлийн сан хоёрыг холиод яриад байна. Хүмүүсийг буруутгахаас илүүтэй ямар журмаар гадаадад суралцсаныг нь харах хэрэгтэй байна. Тухайн хүн эзэмшсэн мэргэжлээрээ таван жил тасралтгүй ажилласан бол зээлийн төлбөрөөс чөлөөлнө. Сайд дураараа чөлөөлнө гэдэг ойлголт байхгүй.
Миний хувьд сайдаар ажиллах үеэрээ гадаадад тэтгэлгээр суралцах болон зээлд хамрагдах хүүхдийн мэдээллийг нээлттэй мэдээлдэг болгох ажлыг хийж байсан. Зээлийн сангийн өрөөгөөр орсон чинь олон хүний диплом өрж тавьсан байсан. Энэхүү диплом эзэндээ хэрэгтэй гээд тухайн үед зээлийн сангийн ажлыг хүртэл өөрчилж байлаа. Ямар ч сайд дураараа хэнийг ч зээлээс чөлөөлөх боломжгүй.
Өөрийнхөө болон хамаатныхаа нэг ч хүүхдийг Боловсролын зээлд хамруулж үзээгүй. Миний хувьд төрийн ажлыг хуулийн дагуу хийж байсан.
Сэтгэгдэл (0)
Сэтгэгдэл бичигдээгүй байна