Замын-Үүдэд газ алдагдсан асуудлыг цагдаагийн байгууллага шалгаж байна

Замын-Үүд суманд газ алдагдсан мэдээлэл олон нийтийн сүлжээнд гарсан.  Тус суманд үйл ажиллагаа явуулж буй ТЖАЙ компанийн зүгээс мэдэгдэл гаргасан байна. 

Уул Уурхай, Хүнд Үйлдвэрийн Яамны газрын тосны бүтээгдэхүүн боловсруулах тусгай зөвшөөрөлтэйгөөр манай компани үйл ажиллагаа явуулж байгаа. Замын-Үүд суманд үйлдвэрээ ашиглалтад оруулах туршилтын ажлыг явуулсан. Энэ хугацаанд туршилтын үйлдвэрлэлийн хүрээнд техникийн газ үнэртсэн тул сумын иргэдээс уучлалт хүсье. Туршилтын ажил дуусаж үйлдвэрлэлээ зогсоосон тул дахиж үнэртэхгүй болно хэмээн тайлбарлажээ. 

Энэ асуудлыг мэдээллийн дагуу цагдаагийн байгууллагаас шалгаж байгаа юм байна.