МАН-ын бүлгийн хуралдаанаар гарсан шийдвэрийг танилцуулж байна.
Үндсэн хуулийн өөрчлөлтөд тусгасан гишүүдийн тоог нэмэгдүүлэхтэй холбоотой асуудлыг хэлэлцснээс гадна, хүүхдийн мөнгийг хүсэлт гаргасан хүүхэд бүрт ирэх долдугаар сарын 1-нээс олгохоор болжээ. Ингэхдээ өнгөрсөн хугацаанд хүүхдийн мөнгөнөөс хасагдаад байсан хүүхдүүдэд нөхөн олгохоор болсон талаар Сангийн сайд Б.Жавхлан мэдээллээ.
Tэрээр энэ талаар хэлэхдээ "Төсөвт тодотгол хийх саналаа намын бүлэгтээ танилцуулж, шийдвэр гарлаа. Маргааш Засгийн газрын хуралдаанаар хэлэлцээд УИХ-д өргөн барина. Хэд хэдэн зарчмын асуудлыг шийдлээ. Хүүхдийн мөнгийг хүсэлт гаргасан хүүхэд бүрт олгож, нэгдүгээр сараас хойших бүх хүүхдийн мөнгийг нөхөж олгохоор боллоо. Цалин, тэтгэврийн тухайд энэ тухайд хавтгайруулан нэмэх бус зөрүүг цэгцэлж, суурь хэмжээнд өөрчлөлт хийнэ. Нийтдээ 1.3 их наяд төгрөгийн төсөв шаардлагатай. Өнгөрсөн онд Засгийн газрын зүгээс эдийн засгийг тогтворжуулах хатуу бодлогууд авч хэрэгжүүлсний үр дүнд төсөв 1.5 их наядаар сайжирсан. Төсвийн алдагдал буурч, валютын нөөц нэмэгдсэн, төлбөрийн тэнцэл нэмэх гарсан зэрэг эдийн засагт олон өөрчлөлт гарч гадна эрсдлээс бүрэн гарсан. Энэ жил 36 сая тонн нүүрс гаргана гэж төлөвлөсөн бол одоогоор 20 сая тонн нүүрс гаргасан нь нийт төсвийн орлогын 36 хувь нь биелж, 337 тэрбум төгрөгөөр орлого давсан. Энэ хүрээнд цалин, тэтгэврийг нэмэх зохицуулалтыг хийнэ.
Хөгжлийн бэрхшээлтэй хүүхдүүд, тэдний асран хамгаалагч нарт одоогоор 208 мянган төгрөг олгодог бол үүнийг 325 мянган төгрөг болгож нэмэгдүүлнэ. Мөн асаргааны 83 мянган төгрөгийг 255 мянган төгрөг болно. Үүнд нийт 90 тэрбум төгрөг шаардлагатай.
Нийслэлийн түгжрэлийн асуудлыг ч энэ удаад орхигдуулаагүй. Өнгөрсөн жил 420 тэрбум төгрөг суусан, нэмэлт 187 тэрбум төгрөгийн санхүүжилтийг шийднэ" гэлээ.
Сэтгэгдэл (0)
Сэтгэгдэл бичигдээгүй байна