​ Хүнийг “ЗАНАЛХИЙЛЭХ” нь эрүүгийн хуулийг зөрчинө

Эрүүгийн хуулийн 13.5 дугаар зүйлд “1.Бусдыг тодорхой үйлдэл хийх, хийхгүй байхыг шаардаж өөрт нь, түүний ойр дотны хүнд хүч хэрэглэсэн, хүч хэрэглэхээр заналхийлсэн, эсхүл эрх, хууль ёсны ашиг сонирхолд нь хохирол учруулж болохуйц баримт, мэдээлэл тараахаар сүрдүүлсэн бол дөрвөн зуун тавин нэгжээс хоёр мянга долоон зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас зургаан сар хүртэл хугацаагаар зорчих эрхийг хязгаарлах ял шийтгэнэ.” гэж заажээ.
2002 оны Эрүүгийн хуульд гагцхүү бусдын эд хөрөнгийг авахаар далайлган сүрдүүлэх үйлдэлд л эрүүгийн хариуцлага хүлээлгэж байсан бол хувийн халдашгүй чөлөөтэй байх эрх болон бусад эрхэд заналхийлэл, сүрдүүлэгд өртөх нөхцөл байдал тодорхой түвшинд нэмэгдсэнтэй холбогдуулан 2015 оны Эрүүгийн хуульд “ЗАНАЛХИЙЛЭХ” гэх шинэ төрлийн гэмт хэргийг тусгасан байдаг.