Наадмын өнгө: Бусдыг буруутгахгүй, өөрийгөө зэмлэх аав, хүүгийн нулимс

Баянхонгор аймгийн Хүрээмарал сумын харьяат, Цэргийн арслан Ганзоригийн Жамбалдорж, түүний хүү Ж.Дарханбаатар нартай ярилцлаа.

Баянхонгор аймгийн Хүрээмарал сумын харьяат, Цэргийн арслан Ганзоригийн Жамбалдорж: Би үндэсний бөхөөр 10 гаруй жил хичээллэж байна. 2018 онд Бүх цэргийн баяр наадамд түрүүлээд Арслан болсон.  2018 оноос хойш Улсын баяр наадамдаа барилдаж байна. 2020, 2021 онд  дөрөв даваад тавын даваанд унасан. Энэ жил бас уналаа. Ц.Содномдорж Арслан бид хоёр 57 минут барилдсан. Энэ жилийн наадамд би өөрөө хариуцлагагүй барилдчихлаа. Засуул барьж аваагүй бол барилдаан үргэлжилдэг. Арслан барьц задарлаа гэхээр нь би өндийхгүй юу тэгсэн чинь араас өргөөд шидчихсэн.

Түүний хүү Ж.Дарханбаатар: Аавынхаа барилдааныг байнга хамт явж үздэг. Би айлын том хүү, 11 настай. Би том болоод аав шиг мундаг бөх болно. Аавыгаа баярлуулсан том бөх болмоор байна.