Зэвсэгт хүчний отгон анги байлдааны тугаа гардлаа

Н.Сумъяасүрэн
2023/07/25

Архангай аймагт Монгол Улсын Зэвсэгт хүчний БИЦУГ-ын харьяа 342 дугаар анги үйл ажиллагаагаа эхлүүлсэн билээ. Өнөөдөр тус ангийн бие бүрэлдэхүүн Зэвсэгт хүчний анги, байгууллагын сүлд хийморь, цэргийн алба хаагчдын сүсэглэн дээдлэх оройн дээд шүтээн болсон Байлдааны тугаа гардаж авлаа. Энэхүү үйл ажиллагаанд Монгол Улсын Засгийн газрын гишүүн, Батлан хамгаалахын сайд Г.Сайханбаяр, ЗХЖШ-ын дарга хошууч генерал С.Ганбямба болон Архангай аймгийн Засаг дарга Б.Цэрэннадмид тэргүүтэй албаныхан оролцсон юм.

Батлан хамгаалахын сайд Г.Сайханбаяр Зэвсэгт хүчний 342 дугаар ангийн захирагч, дэд хурандаа Д.Зоригтсайханд Байлдааны тугийг гардуулсаны дараа тус ангийн бие бүрэлдэхүүнд хандан хэлсэн үгэндээ, “Монгол Улсын Засгийн газрын 2015 оны тогтоолоор Архангай, Говь-Алтай аймгуудад барилга-инженерийн цэргийн ангиуд байгуулах тухай Засгийн газрын шийдвэр гарч улмаар 2021 оноос Батлан хамгаалах яам, Зэвсэгт хүчний Жанжин штабын зүгээс Засгийн газрын шийдвэрийг хэрэгжүүлэх талаар хүчин чармайлт гаргаж, анги байгуулахад шаардлагатай төсөв хөрөнгийг шийдвэрлэн, зохион байгуулалтын арга хэмжээ авч хэрэгжүүлсэн. Үүний үр дүнд өнөөдөр Монгол Улсын Зэвсэгт хүчин нэгэн ангиар бүл нэмж байна. Батлан хамгаалахын сайдын 2018 оны “Зэвсэгт хүчний бие бүрэлдэхүүн, техник хэрэгслийг Улсыг хөгжүүлэх бүтээн байгуулалтын ажилд оролцуулах тухай” тушаалаар Дорноговь аймгийн Алтанширээ суманд баригдах “Монгол газрын тос боловсруулах үйлдвэр”-ийг Сайншанд хоттой холбох 17,5 км хүнд даацын тусгай зориулалтын авто зам барилга угсралтын ажлыг гүйцэтгүүлэхээр Зэвсэгт хүчний замын … дугаар түр ангийг байгуулсан. 2021 онд тус түр ангийн эрхийг Зэвсэгт хүчний 342 дугаар ангид шилжүүлснээр одоогийн анги байгуулагдсан гэдгийг онцлон тэмдэглэхийг хүсч байна.

 Зэвсэгт хүчний 342 дугаар анги нь Тавантолгой-Зүүнбаян чиглэлийн 416 км төмөр зам, Зүүнбаян-Ханги чиглэлийн 204 км төмөр зам, Богдхан төмөр зам, Улаанбаатар-Дархан чиглэлийн авто замын өргөтгөл, шинэчлэлийн бүтээн байгуулалтын ажилд үүрэг гүйцэтгэж, улс эх орныхоо өмнө хүлээсэн үүргээ нэр төртэй биелүүлсээр байна. Өнөөдөр, тус ангийн гадна хашаа, шалган нэвтрүүлэх хоёр байр, цахилгаан шугам сүлжээ бүрэн ашиглалтад орж, 2023 онд Зэвсэгт хүчний хөгжлийн сангийн хөрөнгө оруулалтаар цэргийн байр, гал тогоо, уурын зуух, дулааны шугам сүлжээ, жагсаалын талбайг ашиглалтад оруулахаар барилга угсралтын ажил ид өрнөж байна. Байлдааны тугаа хүлээн авч байгаа Зэвсэгт хүчний 342 дугаар ангийн бие бүрэлдэхүүн Та бүхэн Монгол цэргийн сүлд хийморь, нэр төрийг эрхэмлэн дээдлэж, ард түмэндээ өргөсөн тангарагаа чанд сахиж, эх орныхоо тусгаар тогтнол, улсыг хөгжүүлэх стратегийн бүтээн байгуулалтын ажилд бие сэтгэл, оюун ухаан, мэдлэг чадвараа бүрэн зориулж ажиллана гэдэгт Батлан хамгаалахын сайдын хувьд итгэлтэй байна” хэмээн онцлов. Тус анги байгуулагдсанаар улс эх орны стратегийн томоохон бүтээн байгуулалтын ажилд оролцохоос гадна орон нутгийн хөгжилд бодит хувь нэмэр оруулж, ажлын байр бий болох боломж бүрдэх юм. Өнөөдрийн байдлаар тус ангийн дэд бүтцийн бүтээн байгуулалтын ажил эд өрнөж байна. Улмаар ангийн үйл ажиллагаа жигдэрч, бүрэн ашиглалтад орсоны дараа буюу намраас хугацаат цэргийн алба хаагчдаа цэргийн бэлтгэл үүрэгтнээр бэлтгэх ажилдаа орох юм. Батлан хамгаалахын сайд Г.Сайханбаяр Байлдааны тугаа гардсан ангийн бие бүрэлдэхүүнд баяр хүргэж, амжилт хүсээд ачааны портер автомашин, сургалтын үйл ажиллагаанд хэрэглэгдэх олон үйлдэлт ухаалаг дэлгэц, тавилга хэрэгслийг гардуулсан юм.



0
angry
0
care
1
haha
1
liked
2
love
0
sad
0
wow

Сэтгэгдэл

Zarig.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
Шинэ мэдээ
Туул, Хэрлэн, Онон голын ус үерийн түвшнийг давжээ 1 цагийн өмнө
Зам засвартай холбоотойгоор зарим чиглэлд түр өөрчлөлт орлоо 1 цагийн өмнө
Баянхошуунд 260 айлын ногоон орон сууцны төсөл хэрэгжиж байна 1 цагийн өмнө
Өргөө кино театрын хойд уулзвараас ЭХЭМҮТ-ийн уулзвар хүртэлх авто замыг хааж, шинэчилнэ 3 цагийн өмнө
Санзайн замд 560 метр ус зайлуулах шугам угсарч байна 3 цагийн өмнө
Өнөөдөр шөнө Улаанбаатар хотод аадар үргэлжилж орно 3 цагийн өмнө
Хөвсгөл нууранд сэлэх гэж орсон гурван иргэн живж, амиа алджээ 3 цагийн өмнө
Сэлэнгэ аймгийн Хүдэр суманд ой, хээрийн түймэр гарч 15 га талбай өртжээ 4 цагийн өмнө
О.Алтангэрэл: Хоригдож байхдаа нас барсан иргэний гэр бүлд эмгэнэл илэрхийлье, буруутай албан тушаалтан, эрх мэдэлтнүүдэд хариуцлага хүлээлгэнэ 4 цагийн өмнө
ТЦА: Бичлэг дэх иргэн согтуу машин барьснаа хүлээн зөвшөөрсөн 5 цагийн өмнө
Анхааруулга: Хамарын хийдийн зам усанд автаж, эвдрээд байна 5 цагийн өмнө
Ерөнхий сайд Л.Оюун-Эрдэнэ 100 хоногт хэрэгжүүлэх ажлын албан даалгавар гаргалаа 5 цагийн өмнө
Улаанбаатарт 20 хэм дулаан, бороо орно 6 цагийн өмнө
Б.Мэргэн: Өнөрөөд төрийн нууц материал өгч задруулсан гээд байгаа гишүүнд хариуцлага тооц, ял өг 18 цагийн өмнө
Сэтгүүлчийг ялласан асуудлаар нээлттэй хэлэлцүүлэг хийе, гишүүд ээ 20 цагийн өмнө
​М.Алдартуяа: “Гэмт хэрэгтний хувийн мэдээллийг ил болголоо” гэж миний охиныг яллаж байгаад харамсч байна 21 цагийн өмнө
Гадны хэвлэлд: Монголын шүүх сэтгүүлчид маргаантай хэргээр ял оноов Өчигдөр
Ирэх саруудад цаг агаар ямар байх вэ? Өчигдөр
Тодруулга: Шүдний үзлэг хийхдээ багажаа салфеткаар арчсан гэх Солонгос эмч нар ямар ч зөвшөөрөлгүй байсан Өчигдөр
Бамбай хоншоорт могойд хатгуулсан гэх дуудлага өдөрт 8-10 удаа бүртгэгдэж байна Өчигдөр