О.Оюунчимэг: Долдугаар сарын эхээр орсон бороог гамшигт үзэгдэл гэж үзнэ

Н.Сумъяасүрэн
2023/07/28

Долдугаар сард нийслэлд болон бусад нутгаар унасан хур тунадасны хэмжээ, ирэх сарын цаг агаарын төлөвийн талаар Цаг уур, орчны шинжилгээний газрын Урьдчилан сэргийлэх хэлтсийн ахлах мэргэжилтэн О.Оюунчимэгээс тодрууллаа.

-Долдугаар сарын эхээр Улаанбаатар хотод үргэлжилсэн бороо орж, нөхцөл байдал хүндэрсэн. Энэ үеэр хэр хэмжээний хур тунадас унасан бэ?

-Энэ сарын эхээр буюу 1-5-ны өдрүүдэд төвийн аймгуудын ихэнх нутаг, зүүн аймгуудын нутгийн хойд хэсгээр 50-151 мм бороо 20-32 цаг үргэлжлэн орсон. Тухайлбал, Төв аймгийн Батсүмбэрт 151 мм, Борнуур, Баянчандманьд 130 мм, Улаанбаатар хот орчимд 28.0-49.2 мм буюу их хэмжээний хур тунадас унасан байна.  Энэ борооны улмаас Хэнтийн нуруунаас усжих Хүдэр, Хараа, Ерөө, Тэрэлж, Туул, Сөгнөгөр, Шарын гол, Сэлбэ, Улиастай, Шивэрт, Балж, Онон, Хэрлэн зэрэг голын усны түвшин хоногт дунджаар 10-95 см нэмэгдэж, долдугаар сарын 5-ны өдөр үерийн болон үерийн аюултай түвшинг давсан учир нийслэлийн зарим байршилд хүндрэлтэй нөхцөл үүссэн.

-Сүүлийн жилүүдэд ороогүй их хэмжээний бороо орсон гэж зарим мэргэжилтэн хэлсэн. Энэ талаар мэдээлэл өгөхгүй юү?

-Монгол Улс далайгаас хол, эх газрын эрс тэс уур амьсгалтай орон. Тэгэхээр жилд орох хур тунадасны хэмжээ бага. Хамгийн их тунадас долоодугаар сард унадаг. Энэ сард орсон хур тунадасны хэмжээ олон жилийн дунджаас хоёр дахин их байна. Ер нь 12 цагийн хугацаанд 50 мм-ээс дээш хэмжээтэй бороо орсон тохиолдолд гамшигт үзэгдэл гэж үздэг. Хэнтийн нуруунд хамгийн ойрхон Төв аймгийн Батсүмбэр суманд байдаг цаг уурын станцаас ирсэн мэдээллээр долдугаар сарын 4-ний өдрийн байдлаар сүүлийн 12 цагт орсон тунадасны нийлбэр 53 мм байсан. Тэгэхээр үүнийг гамшигт үзэгдэл гэж хэлж болно.

-Өнгөрсөн ням гарагт орсон аадар борооны үеэр хэр хэмжээний хур тунадас унасан бэ?

-Долдугаар сарын эхээр болсон үерийн нөхцөл байдал бол Хэнтийн ууланд орсон борооны улмаас гурван газар үер болсон. Өнгөрсөн ням гарагт орсон борооны тухайд Улаанбаатарт хүчтэй конвекц өгч, 3-4 цагийн хугацаанд 25-86 мм тунадас орсон. Тухайлбал, Нисэх орчимд 25 мм, 1 дүгээр хороололд 26 мм, Хан-Уул дүүрэгт 86 мм хур бороо орсон. Ер нь аадар бороо нэг цагийн хугацаанд 30 мм хэмжээтэй орвол цаг агаарын гамшигт үзэгдэл гэж үздэг. Тэгэхээр энэ бол аадар борооны аюулт үзэгдэл юм.

-Цаашид хэр хэмжээний бороо орох вэ?

-Өнөөдрөөс нутгийн баруун хэсгээр, цаашлаад наймдугаар сарын 1-н хүртэл нутгийн ихэнх хэсгээр нэлээд халах төлөвтэй байна. Ер нь ирэх сард нутгийнхаа баруун хагаст олон жилийн дунджаас бага, нутгийн зүүн өмнөд, зүүн хэсгээр олон жилийн дунджаас арай ахиу, төв хэсгээр дундаж хэмжээний хур тунадас унах төлөвтэй байна.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС


0
angry
0
care
8
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Буддагийн ариусан гэгээрч бурханы хутгийг олсон Бодьгаяа 2 цагийн өмнө
Эерэг мэдээ: Таван найз тавуулаа гадны их, дээд сургуулиудад суралцахаар болжээ 3 цагийн өмнө
ТАНИЛЦ: МАН-аас баруун бүсэд сойсон “шинэ” нэр дэвшигчид 3 цагийн өмнө
Б.Дуурсахмаа: Шавь нараа үнсэж эрхлүүлэх дуртай, багшийн цалингаа голж суулгүй давхар ажил хийдэг 4 цагийн өмнө
“Учиртай гурван толгой” дуурийн гол дүрүүдийг шалгаруулж байна 4 цагийн өмнө
Спорт клубүүдэд хөнгөлөлттэй үнээр бүртгүүлэх боломжтой 5 цагийн өмнө
​Гадаад улсад үйл ажиллагаа явуулж байгаа боловсролын сургалтын байгууллагад төрөөс дэмжлэг үзүүлэх журам баталлаа 5 цагийн өмнө
“Улаанбаатар марафон”-д 20 мянга гаруй хүн бүртгүүллээ 5 цагийн өмнө
Өнөөдөр бурхан багшийн дүйчэн өдөр тохиож байна 6 цагийн өмнө
Нийслэлд өдөртөө бага зэргийн аадар бороо орно 6 цагийн өмнө
Ж.Бат-Эрдэнэ: Ногоон автобус хуучин болохыг сонсголоор ил болголоо, нийслэл алдаагаа Тагнуулын байгууллага руу чихэж болохгүй 22 цагийн өмнө
Д.Амартүвшин: АН-ын дарга Лу.Гантөмөр тохиролцсондоо хүрч чадсангүй, жагсаалтаас нэрээ татаж байна Өчигдөр
Н.Алтанхуяг: Лу.Гантөмөрийн зовлонг ойлгож байна, МАН жагсаалтынхаа эхэнд инженер хүн орууллаа гээд мундаг гэсэн үг биш Өчигдөр
71 сая ам.долларыг нь Олон улсын хандивлагчдаас бүрдүүлж, “Монголын байгалийн өв” байгаль хамгааллын итгэлцлийн санд төвлөрүүлээд байна Өчигдөр
Монгол Улсын их хурлын сонгуулийг ажиглах ЕАБХАБ-ын төлөөлөгчидтэй уулзав Өчигдөр
“Автомашингүй өдөр” 20 гаруй худалдааны төв амарна Өчигдөр
"Тусламжийн бараа өгдөг асуудлаа болимоор байгаа юм. Бидний хойч ирээдүйд итгэх итгэл алга байна шүү дээ" Өчигдөр
Л.Наранбаатар: Сонгуульд өрсөлдөх мандатаа авсан төвийн нэр дэвшигчдээ дэмжиж ажиллана Өчигдөр
О.Цогтгэрэл: Жагсаалтын нэрстэй би ч санал нийлэхгүй байгаа, мэдээж С.Цэнгүүнээс З.Нарантуяа илүү байлгүй яахав Өчигдөр
Сонгинохайрхан, Налайх дүүрэгт эдийн засгийн тусгай бүс байгуулна Өчигдөр