Өмгөөлөгч О.Батсүх: Ц.Төмөр хүмүүсээс худалдаж авсан бүх малаа өөрийн мал гэж бодон ногоон будгаар будсан

“Найман ишигний” гэх тодотголтой хэргийн давж заалдах шатны шүүх хурал өнөөдөр 10:00 цагт Хэнтий аймгийн шүүхийн тамгын газарт эхэлсэн билээ. Шүүгдэгч Ц.Төмөр, Л.Гэрэлзаяа, Б.Даариймаа нар нь Ж.Эрэвгийлхам, Т.Болдбаатар нарынх гэдгийг мэдсээр байж 56 тооны малыг нуун дарагдуулж, зохих байгууллагад мэдүүлээгүй, будгийг нь өөрчилсөн зэрэг нь шүүхийн явцад хангалттай тооны нотлох баримтаар нотлогдсон гэж шүүгч мэдэгдлээ

Харин шүүгдэгчийн өмгөөлөгч О.Батсүх: Ц.Төмөр малын зүс, нас мэдэхгүй талаар эхнэр Л.Гэрэлзаяа нь ярьсан. Тиймээс хүмүүсээс худалдаж авсан бүх малаа өөрийн мал гэж бодон  ногоон будгаар будсан.  Бусдын мал гэдгийг мэдэхгүйгээр өөрийн мал гэж бодоод будсан асуудалд дүгнэлт хийхийг хүсч байна