Зургаан зорчигчтой суудлын автомашин үерт урсаж, нэг хүн амиа алджээ

Зургаан зорчигчтой суудлын автомашин үерт урсаж, нэг хүн амиа алджээ. Тодруулбал, Ховд аймгийн Жаргалант сумаас Мөст сумын чиглэлд зорчиж явсан суудлын автомашин үерийн усанд урсаж боогдсон, нэг хүн сураггүй болсон тухай дуудлагыг наймдугаар 02-ны өдрийн 18:20 цагт хүлээн авчээ. Тус аймгийн Онцгой байдлын газрын Манхан сум дахь Эрэн хайх, аврах ангийн алба хаагчдыг очиход иргэн Б “Волтз” загварын суудлын автомашин /6 зорчигчтой/ үерийн усанд урсаж, боогдсон байсныг аюулгүй газарт гарган, иргэн Г /54 настай, эмэгтэй/ үерийн усанд урссан байсныг анх осолдсон газраас баруун хойд зүгт 200 метр зайтай газраас цогцсыг олж, аймгийн Цагдаагийн газрын мөрдөгчид 06:00 цагт шилжүүлэн өгсөн байна.