Өнөө шөнөөс эхлэн нийт нутгаар аадар бороо орох тул сонор сэрэмжтэй байхыг анхаарууллаа

М.Төгөлдөр
2023/08/15

Цаг үеийн асуудлаар УОК-ын нарийн бичгийн дарга, хурандаа Т.Баярхүү, ЗӨСҮТ-ийн тархвар судлагч эмч Д.Отгонбаяр, ЭМЯ-ны Урьдчилан сэргийлэлт, хяналт зохицуулалтын хэлтсийн дарга Б.Туяа, ЦУОШГ-ын дарга Л.Оюунжаргал нар мэдээлэл хийлээ.

Он гарсаар нийслэлийн 7 дүүрэг, 17 аймгийн 53 суманд голын халианы усанд 9, үерийн усанд 476, гүний болон хөрсний шар усанд 4 айл автаж, 202 иргэний амийг авран хамгаалаад байна.

Өнгөрсөн саруудад болсон үерт 21 аймгийн хэмжээнд айлын 520 гэр, 269 байшин, 197 барилга байгууламж, 66 автомашин өртөж, 4250 толгой мал хорогдсон бол автозам, төмөр зам үерийн усанд автан эвдэрч, аж ахуй нэгж байгууллага, иргэний барилга, ажлын байр, тариалангийн талбай усанд автсан байна. Тухайлбал, олон улс, улсын чанартай авто зам, замын байгууламжид үерийн улмаас 25 удаагийн эвдрэл, гэмтэл гарсныг сэргээн засах ажиллагаа явагдаж байна.

2023 оны 7 дугаар сард үер усны аюулаас урьдчилан сэргийлэх чиглэлээр Улсын хэмжээнд Гамшгаас хамгаалах улсын хяналтын ахлах байцаагчийн албан шаардлага 686 аж ахуйн нэгж байгууллага, 1396 айл өрхөд хүргүүлсэн бол Улаанбаатар хотын хэмжээнд үерийн эрсдэлтэй бүсэд буусан 2500 орчим айл өрхөд дүүргийн газрын албаар дамжуулан нүүх мэдэгдэл өгөөд байна.

Цаг уур, орчны шинжилгээний газраас өгсөн мэдээллээр өнөөдрөөс эхлэн Төвийн аймаг болон, Хангай, Хэнтийн уулархаг нутгаар үргэлжилсэн аадар бороо орох төлөвтэй байна.

Тодруулбал, өнөө шөнө буюу 2023 оны 8 дугаар сарын 15-нд баруун болон зүүн аймгуудын нутгийн зарим газар, төв болон говийн аймгуудын нутгийн зүүн хэсгээр, өдөртөө баруун болон зүүн аймгуудын нутгийн зарим газар, төвийн аймгуудын нутгийн баруун хэсгээр дуу цахилгаантай аадар бороо орох бол 16-нд баруун аймгуудын нутгийн зарим газар, төвийн аймгуудын ихэнх нутаг, говийн аймгуудын нутгийн баруун, зүүн аймгуудын нутгийн зүүн хэсгээр, 17-нд баруун болон говийн аймгуудын нутгийн хойд хэсэг, төв болон зүүн аймгуудын нутгийн зарим газраар, 18-нд баруун, төв болон зүүн аймгуудын нутгийн хойд хэсгээр, 19-нд төв болон зүүн аймгуудын нутгийн хойд хэсгээр бороо, дуу цахилгаантай аадар бороо орох төлөвтэй байгаа тул иргэд та бүхэн анхаарал сэрэмжтэй байж, болзошгүй аюулаас урьдчилан сэргийлэхийг онцгойлон анхааруулж байна.

Он гарсаар тарваган тахлын хүний өвчлөлийн 2 тохиолдол бүртгэгдээд байна.

Иймд тарвага агнах, тарваганы гаралтай түүхий эдийг худалдах, худалдан авах, тээвэрлэх, тус амьтны дотор эрхтэн, махыг хэрэглэх, гэртээ хадгалах, хот, суурин газарт тээвэрлэж оруулах, тарвага болон мэрэгч амьтны бөөс, бүүрэгт хазуулахаас сэргийлэхийг УОК болон Зоонозын өвчин судлалын үндэсний төвөөс анхаарууллаа.


4
angry
0
care
0
haha
0
liked
0
love
2
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Буддагийн ариусан гэгээрч бурханы хутгийг олсон Бодьгаяа 2 цагийн өмнө
Эерэг мэдээ: Таван найз тавуулаа гадны их, дээд сургуулиудад суралцахаар болжээ 3 цагийн өмнө
ТАНИЛЦ: МАН-аас баруун бүсэд сойсон “шинэ” нэр дэвшигчид 4 цагийн өмнө
Б.Дуурсахмаа: Шавь нараа үнсэж эрхлүүлэх дуртай, багшийн цалингаа голж суулгүй давхар ажил хийдэг 5 цагийн өмнө
“Учиртай гурван толгой” дуурийн гол дүрүүдийг шалгаруулж байна 5 цагийн өмнө
Спорт клубүүдэд хөнгөлөлттэй үнээр бүртгүүлэх боломжтой 5 цагийн өмнө
​Гадаад улсад үйл ажиллагаа явуулж байгаа боловсролын сургалтын байгууллагад төрөөс дэмжлэг үзүүлэх журам баталлаа 5 цагийн өмнө
“Улаанбаатар марафон”-д 20 мянга гаруй хүн бүртгүүллээ 6 цагийн өмнө
Өнөөдөр бурхан багшийн дүйчэн өдөр тохиож байна 6 цагийн өмнө
Нийслэлд өдөртөө бага зэргийн аадар бороо орно 6 цагийн өмнө
Ж.Бат-Эрдэнэ: Ногоон автобус хуучин болохыг сонсголоор ил болголоо, нийслэл алдаагаа Тагнуулын байгууллага руу чихэж болохгүй 22 цагийн өмнө
Д.Амартүвшин: АН-ын дарга Лу.Гантөмөр тохиролцсондоо хүрч чадсангүй, жагсаалтаас нэрээ татаж байна Өчигдөр
Н.Алтанхуяг: Лу.Гантөмөрийн зовлонг ойлгож байна, МАН жагсаалтынхаа эхэнд инженер хүн орууллаа гээд мундаг гэсэн үг биш Өчигдөр
71 сая ам.долларыг нь Олон улсын хандивлагчдаас бүрдүүлж, “Монголын байгалийн өв” байгаль хамгааллын итгэлцлийн санд төвлөрүүлээд байна Өчигдөр
Монгол Улсын их хурлын сонгуулийг ажиглах ЕАБХАБ-ын төлөөлөгчидтэй уулзав Өчигдөр
“Автомашингүй өдөр” 20 гаруй худалдааны төв амарна Өчигдөр
"Тусламжийн бараа өгдөг асуудлаа болимоор байгаа юм. Бидний хойч ирээдүйд итгэх итгэл алга байна шүү дээ" Өчигдөр
Л.Наранбаатар: Сонгуульд өрсөлдөх мандатаа авсан төвийн нэр дэвшигчдээ дэмжиж ажиллана Өчигдөр
О.Цогтгэрэл: Жагсаалтын нэрстэй би ч санал нийлэхгүй байгаа, мэдээж С.Цэнгүүнээс З.Нарантуяа илүү байлгүй яахав Өчигдөр
Сонгинохайрхан, Налайх дүүрэгт эдийн засгийн тусгай бүс байгуулна Өчигдөр