Улсын нэгдсэн төсвийн нийт орлого өмнөх оны мөн үеэс 37.0 хувиар өсжээ

Улсын нэгдсэн төсвийн нийт орлого, тусламжийн хэмжээ 2023 оны эхний 7сарын урьдчилсан гүйцэтгэлээр 12.9 их наяд төгрөг болж, өмнөх оны мөн үеэр (37.0%) их наяд төгрөг, тэнцвэржүүлсэн орлого тусламжийн хэмжээ 12.4 их наяд төгрөг болж, 3.7 (42.8%) их наяд төгрөгөөр тус тус өссөн байна.

ЗУРАГ 1. УЛСЫН НЭГДСЭН ТӨСВИЙН ТЭНЦВЭРЖҮҮЛСЭН ОРЛОГО, ЗАРЛАГА, ТЭНЦЭЛ, жил
бүрийн эхний 7 сард, тэрбум төгрөг

Нийт зарлага, эргэж төлөгдөх цэвэр зээлийн хэмжээ 2023 оны эхний 7 сард 11.1 их наяд төгрөг болж, тэнцвэржүүлсэн тэнцэл 1.4 их наяд төгрөгийн ашигтай гарчээ.
Улсын нэгдсэн төсвийн нийт орлого, тусламжийн хэмжээ 2023 оны 7 дугаар сард 1.9 их наяд төгрөг болж, өмнөх оны мөн үеэс 430.8 (29.9%) тэрбум төгрөг, тэнцвэржүүлсэн орлого тусламжийн хэмжээ 1.9 их наяд төгрөг болж, 497.2 (36.5%) тэрбум төгрөгөөр тус тус өссөн байна. Харин нийт зарлага, эргэж төлөгдөх цэвэр зээлийн хэмжээ 2023 оны 7 дугаар сард 2.0 их наяд төгрөг болж, тэнцвэржүүлсэн тэнцэл 187.4 тэрбум төгрөгийн алдагдалтай гарчээ.