Д.Сумъяабазар: Хүн явах зайгүй баригдахаар төлөвлөгдсөн газруудын зөвшөөрлийг бүгдийг цуцална

Архитектур төлөвлөлтийн даалгавар цуцлах 1600 гаруй барилга болон үерийн эрсдэлтэй байршлын судалгаа, үерийн бүсэд буусан айлуудыг нүүлгэн шилжүүлэх, мөн “S Outlets”, “Aqua garden” зэрэг барилгатай холбоотой асуудлаар мэдээлэл өгч байна.

Хотын дарга Д.Сумьяабазар "Нэн яаралтай Нийслэлийн багц хуулийг батлах хэрэгтэй байгаа. Яармагийг нэн яаралтай цэгцэлж авахгүй бол дараагийн БЗД-ийн 26, 42 дугаар хороо болно шүү. Тиймээс 2016 он хүртэлх нийт 1642 зөвшөөрлийг хүчингүй болгох шаардлага бий болсон. Байгаль орчны яаманд  Улаанбаатар хотын 1,6 сая хүний асуудлыг шийддэг ганцхан мэргэжилтэн байгаа шүү. Сайдынх нь багцад хүртэл асуудлыг шийдэх мөнгө хангалттай байгаа. Гадаадын зээл тусламж, хамтын ажиллагааг хөгжүүлж байгаа сангийн утгагүй зүйлд зарцуулж байгаа  мөнгө бол байгаа шүү. Бүхэл бүтэн улс байна даа. Мөнгө бол байгаа шүү. Болохоо байгаад ирэхээрээ л хот руу бурууг өгдөг. Багц хуультай болоод ухаалаг төлөвлөлт рүү явбал миний энэ хий эргээд, будилаад байгаа зүйлийг дараагийн Засаг дарга хэрэгжүүлээд явна" гэв.