Байрны гадаа тоглож байсан 4-6 насны хоёр хүүхдийг хөтлөн явсан гэх эмэгтэйг саатуулан шалгаж байна

Орон сууцны гадаах тоглоомын талбайд тоглож байсан бага насны хоёр хүүхдийг авч явахыг оролдсон эмэгтэйг саатуулсан байна. 

ЦЕГ-ын ХМТ-өөс "Цагдаагийн байгууллагад 2023 оны есдүгээр сарын 2-ны өдрийн 19:29 цагт Дархан-Уул аймгийн Дархан сум, 10 багт “Манай хоёр хүүхдийг авч явах гээд байна” гэх дуудлага, мэдээлэл бүртгэгдсэн. Аймгийн цагдаагийн газраас шалгалтын ажиллагаа явуулж, байрны гадна тоглоомын талбайд тоглож байсан 4-6 насны хоёр хүүхдийг хөтлөн явсан гэх 23 настай, эмэгтэй “Н” гэгчийг саатуулан, шалгаж байна" хэмээн мэдээлэв.

Иймд эцэг, эх, асран хамгаалагч та бүхэн бага насны хүүхдийн аюулгүй байдлыг хангах, тэдэнд тавих анхаарал, хараа хяналтаа дээшлүүлэхийг цагдаагийн байгууллагаас сэрэмжлүүллээ.