ЦЕГ-ын даргаар Т.Сүхболдыг томиллоо

Л.Бямбажав

2023/09/06

Засгийн газрын ээлжит хуралдаан үргэлжилж байна. Хуралдаанаар ЦЕГ-ын дарга Ж.Болдыг үүрэгт ажлаас нь албан ёсоор чөлөөлж, түүний оронд Эрүүгийн цагдаагийн албаны дарга Т.Сүхболдыг томилжээ.

Ж.Болд нь эрүүл мэндийн шалтгаанаар үүрэгт ажлаасаа чөлөөлөгдөх хүсэлтээ өгсөн байдаг.

Т.Сүхболд 2020 оноос хойш Эрүүгийн цагдаагийн албаны даргаар ажиллаж байгаад өнөөдөр ЦЕГ-ын даргаар томилогдлоо.

Т.Сүхболд нь 1980 онд Улаанбаатар хотод төрсөн. Хуульч, эрх зүйч мэргэжилтэй.

1998-2001 онд СХД-ийн Цагдаагийн хэлтэст цагдаа
2005-2007 онд Хэнтий аймгийн цагдаагийн газарт хэсгийн төлөөлөгч
2007-2011 онд Хэнтий аймгийн цагдаагийн газарт эдийн засгийн төлөөлөгч
2011-2013 онд Хэнтий аймгийн цагдаагийн газарт эдийн засгийн ахлах төлөөлөгч
2013-2018 онд ЭЦГ-ын Эдийн засгийн гэмт хэрэгтэй тэмцэх хэлтэст ахлах төлөөлөгч, тасгийн дарга,
2018-2020 онд ЭЦА-ны Эдийн засгийн гэмт хэрэгтэй тэмцэх газрын Мөнгө угаах гэмт хэрэгтэй тэмцэх хэлтсийн дарга
2020 онд ЭЦА-ны дэд бөгөөд Эдийн засгийн гэмт хэрэгтэй тэмцэх газрын дарга
2020 оны 07 дугаар сараас Эрүүгийн цагдаагийн албаны даргаар ажилласан байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ