Монгол-Хятадын экспод 35 улсын төлөөлөгч чуулж байна

Ц.Цэрэнбадам
2023/09/08

БНХАУ-ын ӨМӨЗО-ны Хөх хотод зохион байгуулж буй Монгол-Хятадын хамтарсан дөрөв дэх удаагийн экспод дэлхийн 35 улс орны төлөөлөгч “Нээлттэй шинэ тогтолцоог хамтран байгуулж, хөгжлийн шинэ боломжийг хамтдаа хуваалцъя” уриан дор чуулж байна. 

Энэхүү  экспо нь “Умард зүгийг нээлттэй хөгжүүлэх үндэсний эдийн засаг, худалдааны форум”-аар үргэлжилж, Монгол Улсын Шадар сайд С.Амарсайхан форумыг нээж үг хэлэн, форумд оролцогчдод амжилт хүслээ.

Тэрбээр форумыг нээж хэлсэн үгэндээ “Монгол Улс энхийг эрхэмлэсэн, олон тулгуурт нээлттэй, бие даасан, гадаад бодлого хэрэгжүүлж, дэлхийн 191 улстай найрсаг харилцаа, улс төр, худалдаа, эдийн засаг, соёлын болон бусад салбарын хамтын ажиллагааг тууштай хөгжүүлж, олон улс, бүс нутгийн хамтын ажиллагаанд идэвхтэй оролцож ирсэн.

“Монгол, Хятадын Экспо”-г хоёр тал хамтран дөрөв дэх удаагаа амжилттай зохион байгуулж байна. Экспо нь Монгол Улс, БНХАУ-ын худалдаа, эдийн засгийн хамтын ажиллагааг гүнзгийрүүлэн, хил орчмын бүс нутгийн эдийн засгийн хөгжлийг хөхиүлэн дэмжээд зогсохгүй бүс нутгийн худалдаа, эдийн засгийн хамтын ажиллагаа, соёлын солилцоог өргөжүүлэхэд чухал үүрэг гүйцэтгэж ирсэн билээ.

Монгол Улсын Засгийн газар нь “Алсын хараа 2050” урт хугацааны хөгжлийн бодлогын Монгол Улсын ойрын 10 жилийг хамрах “Шинэ сэргэлтийн бодлого”-ын хүрээнд авто зам, эрчим хүч, дулаан хангамжийн болон орон сууцны хүрэлцээ, хангамжийг нэмэгдүүлэх дэд төслүүдийг нэгтгэн томьёолсон "Шинэ сэргэлтийн таван тойрог" төслийг хэрэгжүүлэхээр шийдвэрлэсэн.

Эдгээр дэд төслийг хэрэгжүүлэхэд БНХАУ-ын төр, хувийн хэвшлийн хамтын ажиллагаа, болон бусад бүхий л салбарт хамтран ажиллах сонирхлоо талууд энэ чуулга уулзалтаар илэрхийлэн тодорхой ярилцаж, үр дүнд хүрэх болно” гэсэн юм.

Мөн тус форумд Зам, тээврийн хөгжлийн сайд С.Бямбацогт оролцож, зам тээврийн дэд бүтцийн төслүүдээ хөрөнгө оруулагчдад танилцуулан цар тахлын дараах эдийн засгийн өсөлтийн эерэг өөрчлөлтийн ирж буй энэ цаг үед Монгол Улс хөрөнгө оруулагчдын өмнө хариуцлагатай, харилцан ашигтай, найрсаг, итгэлт түнш байж хамтдаа хөгжихийг эрмэлзэж буйгаа илэрхийллээ.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Иргэн: Ард иргэдийнхээ амьдралыг хар л даа, өрөвдмөөр байгаа биз дээ. Энэ амьдралтайгаа үлдэх эсэхийг энэ сонгуулиар л шийднэ 57 минутын өмнө
Иргэд: Сонгууль угтаж 100 мянгаар тэтгэвэр нэмсэн, энүүгээр одоо юу авч хүрэх үү 1 цагийн өмнө
М.Баасандэлгэр: МАН-ын нэр дэвшигчдээс гурван асуулт асуух гэтэл том биетэй хамгаалагч нь биед халдаж, “гэрээтэй юм уу” гэж асуусан 1 цагийн өмнө
Голын эрэг дагуу байрлуулсан камераар 200 метр зайд иргэдэд дуут сэрэмжлүүлэг хүргэж байна 1 цагийн өмнө
3,4 хорооллын авто замыг энэ сарын 17-ыг хүртэл хааж засварлана 1 цагийн өмнө
Нийслэлийн авто замын сүлжээг өргөтгөх шинэчлэх, засварлахад 150 тэрбум шаардлагатай 2 цагийн өмнө
ЦУОШГ: Зургаадугаар сарын 15-наас хойш ихэнх нутгаар хур бороо элбэгших төлөвтэй 2 цагийн өмнө
ҮНДЭСНИЙ ЭВСЭЛ:Ухаалаг хотын цогц, шинэ төлөвлөлтийг хэрэгжүүлнэ 2 цагийн өмнө
Сангийн сайд Б.Жавхлан ҮХЦ-ийн маргаанаас зугтлаа 12 цагийн өмнө
Зэсийн баяжмалыг биржээр арилжаалснаар 100 сая ам.долларын нэмэлт орлого олно 13 цагийн өмнө
Хиймэл оюун ухаанаар бүтээсэн анхны дуу мэндэллээ 13 цагийн өмнө
Хэн үндэстэн дамнасан корпорац байгуулах вэ? 14 цагийн өмнө
Нэр дэвшигч Д.Балдан иргэдийн зургийг зөвшөөрөлгүй авч сурталчилгаанд ашиглахгүй байхыг уриалав 17 цагийн өмнө
“Үндэсний эвсэл”-ээс Баруун бүсэд нэр дэвшигчид юу хэлэв? 17 цагийн өмнө
Нандиагийн Динза 19 цагийн өмнө
Өндөрхааны оройгоос 19 цагийн өмнө
Цэндийн Баатархүү: Ардчиллын дархлаа вирустсан 20 цагийн өмнө
Цэцийн дунд суудлын хуралдааныг хойшлууллаа 20 цагийн өмнө
Голын эрэг дагуу байрлуулсан камераар 200 метр зайд иргэдэд дуут сэрэмжлүүлэг хүргэж байна 22 цагийн өмнө
Архангай, Өвөрхангай, Баянхонгорын нэгдүгээр тойрогт нэр дэвшигчид Жаргалант сумын иргэдтэй уулзлаа 22 цагийн өмнө