​Ерөнхий сайд Л.Оюун-Эрдэнэ Дундговь аймагт ажиллаж байна

Ш.АДЪЯАМАА
2023/09/11

Монгол Улсын Ерөнхий сайд Л.Оюун-Эрдэнэ Дундговь аймагт ажиллах үеэрээ тус аймгийн Хөгжлийн бэрхшээлтэй хүний хөгжлийн төвийн нээлтэд оролцож үг хэллээ.
“Дорноговь, Өмнөговь аймаг ирэх онд ийм төвтэй болно. Цаашид Засгийн газраас 21 аймаг, есөн дүүрэгт Хөгжлийн бэрхшээлтэй хүний хөгжлийн төв байгуулна” гэдгийг Ерөнхий сайд дурдлаа. Тэрбээр Ховд аймаг дахь Хөгжлийн бэрхшээлтэй хүний хөгжлийн төвийн нээлтэд оролцох үеэрээ МАН УИХ-ын сонгуульд нэр дэвшүүлэх жагсаалтын эхний тавд хөгжлийн бэрхшээлтэй иргэдийн төлөөллийг багтаана гэдгээ зарласан,  бусад намуудаа ч уриалж буйгаа дахин илэрхийллээ. “Илүү хүмүүнлэг, иргэддээ ээлтэй, эерэг сэтгэлгээ бүхий бүтээлч нийгмийг бий болгохын төлөө хамтдаа хичээцгээе” гэж Ерөнхий сайд хэллээ.

Дундговь аймгийн Хөгжлийн бэрхшээлтэй иргэдийн хөгжлийн төвийг Азийн хөгжлийн банкны хөнгөлөлттэй зээлээр барьжээ. Аймгууд ийм төвтэй болсноор олон улсын жишигт нийцсэн үйлчилгээ үзүүлэх, хөгжлийн бэрхшээлтэй иргэд нийгэмших, хөгжих боломж бүрдэх юм.

Өнгөрсөн хугацаанд Засгийн газраас хөгжлийн бэрхшээлтэй иргэдийн хөгжлийн асуудлаар нийгмийн даатгалын багц хуулийн шинэчлэл хийж, нийгмийн халамжийн тэтгэврийн хэмжээг 325 мянган төгрөг, асаргааны тэтгэмжийг 275 мянган төгрөгөөр шинэчлэн тогтоож, ахмад настан, хөгжлийн бэрхшээлтэй иргэний асаргааны тэтгэмжийг 2-3 дахин нэмсэн. Төрийн албан тушаалд тавигдах тусгай шаардлагыг хөгжлийн бэрхшээлтэй хүний хувьд хоёр дахин бууруулаад байна.

Ерөнхий сайд Л.Оюун-Эрдэнэ дараа нь Дундговь аймгийн нэгдсэн эмнэлгийн барилгын ажлын явцтай танилцлаа.

100 ортой нэгдсэн эмнэлэг баригдаж, ажлын явц 95 хувьтай байна. Шинэ эмнэлэг ашиглалтад орж буйтай холбоотойгоор мэс заслын вакум өрөө, гадна зогсоол, тохижилт болон зам засварын ажилд хөрөнгө шаардлагатай байгааг эмнэлгийн удирдлага танилцуулав. Энэ асуудлыг судалж, шийдвэрлэхийг Эрүүл мэндийн сайд болон Сангийн сайд нарт Ерөнхий сайд үүрэг болголоо.
Тус эмнэлэгийн барилга ашиглалтад орсноор иргэдэд үзүүлэх тусламж үйлчилгээний чанар, хүртээмж сайжирч, нэг дороос цогц үйлчилгээ авах боломж бүрдэнэ. Мөн дэвшилтэт технологи ашиглан мэс заслын тасгийг вакумжуулж тархи, судас, өвдөг, түнх, хавдрын мэс засал хийх боломж бий болох ажээ.
Одоо үйл ажиллагаа явуулж буй Нэгдсэн эмнэлэг нь долоон алба, 14 тасагтай бөгөөд 1980 онд хүүхдийн эмнэлгийн зориулалтаар баригджээ.


 
 


0
angry
0
care
2
haha
1
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
"Т.Хасбаатар нь Ардчилсан намд гишүүнээр элсэх хүсэлтээ өнөөдрийг хүртэл ирүүлээгүй" гэв 3 цагийн өмнө
Педро Бернал: Э.Цэндбаатарыг ялна гэдэгтээ итгэлтэй байна 3 цагийн өмнө
“Монгол” нүүдэлчин өвлийн фестивалиар өвлийн уламжлалт спортын уралдаан, үзүүлэн тоглолтууд болно 6 цагийн өмнө
Т.Хасбаатар: АН-ын тамга МАН-ын дарга Л.Оюун-Эрдэнийн сэйфэнд хадгалаатай байгаа 6 цагийн өмнө
УИХ-ын дарга Д.Амарбаясгалан Увс аймгийн Улаангом хотод ажиллалаа 6 цагийн өмнө
“Google” компани​ хиймэл оюун ухаан ашиглахаар болжээ 7 цагийн өмнө
Ж.Янжиндулам: Үндэсний бөхөөр хичээллэсэн эрчүүд хүчирхэг болдог 9 цагийн өмнө
Ц.Баатархүү: Хиймэл оюун ухааны дата төвийг байгуулхад эрчим хүч шаардлагатай 9 цагийн өмнө
​ Хонины ууц, үхрийн өвчүү хулгайлсан хэрэг бүртгэгдлээ 10 цагийн өмнө
Жолоочид дугаарын хязгаарлалтаар зорчихыг дэмжиж байна 10 цагийн өмнө
“Хөх сувд 2025” баярын мөсөн хотхоныг “Монголын гайхамшиг” сэдвийн хүрээнд бүтээжээ 10 цагийн өмнө
Танилц: Өнөөдөр болох үйл явдлууд 10 цагийн өмнө
-5 градус хүйтэн байна 10 цагийн өмнө
ЭМГЭНЭЛ Өчигдөр
“Монгол” нүүдэлчин өвлийн фестиваль болно Өчигдөр
Багахангай-Хөшигийн хөндий чиглэлийн төмөр зам төслийг хоёр үе шаттай хэрэгжүүлнэ Өчигдөр
Улсын аварга малчин, саальчин, фермер, тариаланчдыг тодрууллаа Өчигдөр
ТАНИЛЦ: Засгийг газрын хуралдаанаас гаргасан шийдвэрүүд Өчигдөр
Ахмадуудын 37 хувь нь эдийн засгийн хүчирхийлэлд өртжээ Өчигдөр
​БНСУ-ын Засгийн газрын магистр, докторын тэтгэлэг зарлагдлаа Өчигдөр