Б.Ганхуягийн захидалд Ерөнхий сайд Л.Оюун-Эрдэнэ байр сууриа илэрхийлжээ

"Эрдэнэс Тавантолгой" ХК-ийн гүйцэтгэх захирал асан Б.Ганхуяг хорих ангиас ХЭҮК-т захидал бичиж,  тэрбээр Ерөнхий сайд Л.Оюун-Эрдэнийн захиалгаар улс төрийн хоригдол болж, эрүүдэн шүүгдэж, залхаан цээрлүүлэгдэж байна хэмээн захидалд бичсэн байдаг. Тэгвэл  Ерөнхий сайд Л.Оюун-Эрдэнэ өчигдөр /2023.09.14/ Дархан-Уул аймагт ажиллах үеэрээ дээрх захидалд дараах тайлбарыг хийжээ. 

Тэрбээр “Сая нүүрсний хулгай гээд өчнөөн асуудал үүссэн. Зарим нэг хоригдсон хүн ХЭҮК-т хандсан байна билээ. Авлигачид баригдаад эхлэхээрээ учир зүггүй хүний эрхийн мэдрэмжтэй болдог. Хүний эрхийг тэгтлээ хүндэлдэг байсан юм бол яагаад авлигал хийв? гэсэн асуулт гарна. 

 Авлига бол хүний эрхийн хамгийн том зөрчил. Авлигачид бидний сургууль, цэцэрлэгийг хулгайлж, замыг чанаргүй болгодог. Төсөвт орох байсан мөнгийг хувьдаа ашигладаг. Тиймээс үүнтэй холбоотой олон олон асуудлыг Засгийн газар ил болгосоор байгаа" гэжээ.