Баянгол дүүргийн Удирдах ажилтны ээлжит Шуурхай зөвлөгөөн өнөөдөр (2023.08.31) болж, дүүргийн Засаг даргын үүргийг түр орлон гүйцэтгэгч Д.Жаргалсүрэн удирдан явууллаа. Хурлын эхэнд өнгөрсөн шуурхай зөвлөгөөнөөс өгсөн үүрэг даалгаврын биелэлтийг Төрийн захиргааны удирдлагын хэлтсийн дарга Б.Мөнгөнхуяг танилцууллаа. Өнгөрсөн шуурхай зөвлөгөөнөөс нийт 12 үүрэг даалгавар өгсөн. Тэгвэл өгсөн үүрэг даалгаврын 5 нь 100, хоёр нь 90, гурав нь 70, нэг нь 50 нэг нь 30 хувь буюу 80,8 хувийн биелэлттэй хэрэгжсэн байна.
Тодруулбал, Хичээлийн шинэ жилийн өргөтгөсөн худалдаа зохион байгуулж, орчны аюулгүй байдал, замын хөдөлгөөний зохицуулалтыг сайтар хангаж, хяналт тавьж ажиллах, Нийтийн эзэмшлийн зам талбайг чөлөөлж, түргэн үйлчилгээний цэгийг нүүлгэх хуваарийн дагуу бэлтгэл бэлэн байдлаа хангаж, шуурхай зохион байгуулж ажиллах, Дүүргийн нутаг дэвсгэрт нийтийн эзэмшлийн гудамж зам талбайн цэвэрлэгээ, авто замын нуухны цэвэрлэгээ, хөл газрын ургамал шарилж лууль цэвэрлэгээг шуурхай зохион байгуулж, тээвэрлэх, Улаанбаатар хотод зохион байгуулагдах Зүүн Азийн Залуучуудын наадмын нээлтийн үйл ажиллагаанд байгууллагын удирдлагууд болон ажилтан, албан хаагчдыг идэвхтэй оролцуулах, Хороодын нутаг дэвсгэр дэх аж ахуйн нэгж, байгууллагууд, СӨХ-д 50 метр хүртэлх зам талбайн цэвэрлэгээ, шарилж устгал, хүүхдийн тоглоомын талбайн угаалга цэвэрлэгээг хийлгэж ажиллах үүрэг даалгаврыг холбогдох хэлтсүүдэд өгсөн. Тэгвэл дээрх үүрэг даалгаврууд 100 хувь хэрэгжсэн байна.
Шуурхай зөвлөгөөний үеэр дүүргийн Газар зохион байгуулалтын алба, Онцгой байдлыг хэлтэс, Хүнс, худалдаа, үйлчилгээний хэлтсээс цаг үеийн мэдээллийг өглөө.
Дүүргийн 24 байршилд 614 гараашийг чөлөөлж, чөлөөлсөн талбайд тохижилтын ажил хийж байна
Нийслэлийн нутаг дэвсгэрт иргэдийн эрүүл аюулгүй орчинд амьдрах эрхийг хангах, явган хүний зам талбай, ногоон байгууламж, нийтийн эзэмшлийн зам талбайг нэмэгдүүлэх зорилгоор стандартын бус, хашаа барьсан газруудын зөрчлийг арилгах Нийслэлийн Засаг даргын А/394 дүгээр захирамж гарсан. Үүнтэй холбогдуулан дүүргийн Газар зохион байгуулалтын албаны дарга Г.Энхтөр мэдээлэл өглөө. Баянгол дүүргийн хэмжээнд 38 байршилд нийтийн эзэмшлийн зам талбайг нэмэгдүүлэх зорилгоор стандартын бус барьсан хашааг буулгаж байгаа бөгөөд ажлын явц 31 хувьтай байгаа бол мөн 38 байршилд UCS1410B:2022 стандарт мөрдүүлэх ажил 30 хувьтай үргэлжилж байна.
Түүнчлэн Баянгол дүүрэгт 33 байршилд 782 гарааш чөлөөлөгдөхөөр тусгагдсанаас өнөөдрийн байдлаар 24 байршилд 614 гараашийг чөлөөлөөд байна. Ажлын явц 79 хувьтай үргэлжилж байна. Мөн дүүргийн Засаг даргын 2023 оны А/147, А/207 дугаар захирамжийн хүрээнд газрын зөрчил арилгах, зөвшөөрөлгүй байршуулсан, удаан хугацаанд ажиллаагүй, иргэдийн эрүүл, аюулгүй орчинд амьдрах эрхийг зөрчсөн нийт 70 түргэн үйлчилгээний цэгийг чөлөөлөөд байна. Чөлөөлсөн зарим талбайд явган хүний зам, дугуйн зам, тохижилт бүтээн байгуулалтын ажлыг шинээр тавьсан гэлээ.
Сүүлийн нэг сарын хугацаанд үер, устай холбоотой 50 дуудлага ирсэн
Баянгол дүүргийн Онцгой байдлын хэлтсийн дарга, хурандаа Н.Оюунболд сүүлийн нэг сарын хугацаанд хэлтсийнхээ хийж хэрэгжүүлсэн ажлын явц, байдлын талаар танилцууллаа.
Тухайлбал, Нийслэлийн Засаг даргын 2023 оны А/778 захирамжийг хэрэгжүүлэх ажлын хүрээнд долдугаар сард батлагдсан хуваарийн дагуу Яармагийн гүүрнээс 6,2 км зайд өдөр бүр 40 гаруй төрлийн сэрэмжлүүлэг, мэдээллийг иргэд, олон нийтэд хүргэж, 13 иргэнд голоос холдох санамж бичгийг тарааж ажилласан. Дүүргийн Онцгой байдлын хэлтэст үер усны 46 дуудлага, мөнгөн устай холбоотой 1, орон сууцны дээврээс ус гоожсон дөрвөн дуудлага зэрэг нийт 50 дуудлага дээр ажилласан байна. Мөн үер, усны гамшгаас урьдчилан сэргийлэх ажлын хүрээнд дүүргийн 34 хороо, 300 СӨХ-д гамшгаас хамгаалах сэрэмжлүүлэг, зөвлөмж мэдээлэл, мэдэгдлийг хүргүүлэн ажиллаж, хороод болон СӨХ-доос хариу мэдэгдэл хүргүүлж ажиллаагүй байна. Түүнчлэн дүүргийн Засаг даргын А/327 дугаар захирамж, Тарваган тахал болон хүн, малын гоц халдварт өвчнөөс урьдчилан сэргийлэх ажлын хүрээнд Нийслэлийн Онцгой байдлын газрын алба хаагчид ТОСА худалдааны төв дээр хяналт шалгалтыг зохион байгуулж, дөрвөн тарвагыг илрүүлж, Зооноз өвчин судлалын үндэсний төв (ЗӨСҮТ)-д хүлээлгэн өгсөн байна. Нэмж хэлэхэд, сүүлийн нэг сард гал түймрийн 12 дуудлага ирснийг 24 техник хэрэгсэл, 108 хүний бүрэлдэхүүнтэйгээр шуурхай ажиллаж, гал түймрийг унтраасан байна” гэв.
1000 машины зогсоолд “Алтан намар 2023” хүнсний ногооны өргөтгөсөн худалдаа гарлаа
Хөдөө аж ахуйн бүтээгдэхүүний үйлдвэрлэл, борлуулалтын сүлжээг нэмэгдүүлэх, нийслэлийн иргэдийг шинэ ургацын төмс, хүнсний ногоогоор хангах “Алтан намар 2023” хүнсний ногооны өргөтгөсөн худалдааг нийслэлийн 31 байршилд зохион байгуулахаар төлөвлөсөн. Өнөөдрийн байдлаар 23 байршилд төмс, хүнсний ногооны өргөтгөсөн худалдаа гарчээ. Баянгол дүүргийн нутаг дэвсгэрт гурван байршилд хүнсний ногооны өргөтгөсөн худалдаа худалдаалагдана.
Тухайлбал, БГД, 27-р хороо, УБТЗ-ын барилгын засвар, үйлдвэрлэл үйлчилгээний нэгдсэн анги (1000 машины зогсоол)-д Эх булаг ногоочдын холбоо болон Улаанбаатар төмөр зам хувь нийлүүлсэн нийгэмлэг нь хог хаягдал, цэвэрлэгээ үйлчилгээ, тээвэрлэлт, ариун цэвэр-00, хяналтын камер, харуул хамгаалалт, хашаа талбайн бүрэн бүтэн байдлыг өдөр тутам хамгаалах, арчлах үйл ажиллагааг зохион байгуулж нийт 90 гаруй ногоочдыг хамруулж, дүүргийн Хүнс худалдаа, үйлчилгээний хэлтсээс чиг үүргийн дагуу нэгдсэн удирдлагаар ханган ажиллаж байна.
Шуурхай зөвлөгөөний үеэр дүүргийн Засаг даргын үүргийг түр орлон гүйцэтгэгч Д.Жаргалсүрэн дараах үүрэг даалгаврыг өглөө. Үүнд:
.jpg)
.jpg)
.jpg)
Шинэ мэдээ
БГД-ийн 10-р хороонд бичил цэцэрлэгт хүрээлэн байгуулав
Баянгол дүүргийн 52 байршилд тоглоомын талбайн тохижилт хийж байна
Баянгол дүүрэг Тундэмүн дүүргийн ИТХ-тай хамтран ажиллах Санамж бичиг байгууллаа
Цахилгаан автомашинд дугаарын хязгаарлалт үйлчлэхгүй
Шилдэг стартап залуучуудад санхүүгийн дэмжлэг олгоно
Баянгол дүүргийн “Эрдмийн өргөө” цогцолбор сургуулийн 640 суудалтай өргөтгөл ашиглалтад ороход бэлэн боллоо
Баянгол дүүргийн Удирдах ажилтны ээлжит Шуурхай зөвлөгөөн боллоо
Баянгол дүүргийн ЗДТГ, Цагдаагийн газар хамтран “АЮУЛГҮЙ ГУДАМЖ-ХЯНАЛТ” 14 хоногийн аяныг эхлүүллээ
БГД-ИЙН ЗАСАГ ДАРГЫН ОРЛОГЧ Д.ЖАРГАЛСҮРЭН 16-Р ХОРООНД АЖИЛЛАЛАА
БГД-ИЙН 5, 8, 9, 13, 14 ДҮГЭЭР ХОРООНЫ 7 БАЙРАНД ХИЙСЭН ФАСАД, ДУЛААЛГЫН АЖИЛ ДУУСЛАА
НОНХС-ГИЙН ХӨРӨНГӨ ОРУУЛАЛТААР БГД-ИЙН 33-Р ХОРООНД ТОХИЖИЛТ, БҮТЭЭН БАЙГУУЛАЛТЫН АЖИЛ ХИЙЛЭЭ
ШИМАДА ХОТЫН ИРГЭДЭЭС ХАНДИВЛАСАН СУРАГЧИЙН ЦҮНХИЙГ БГД-ИЙН 1-34 ХОРООНД ХУВААРИЛАН ӨГЛӨӨ
БАЯНГОЛ ДҮҮРЭГТ ХИЧЭЭЛИЙН ШИНЭ ЖИЛИЙГ УГТСАН ИХ ЦЭВЭРЛЭГЭЭГ ЗОХИОН БАЙГУУЛЛАА
БАЯНГОЛ ДҮҮРЭГТ ХИЧЭЭЛИЙН ШИНЭ ЖИЛИЙН ӨРГӨТГӨСӨН ХУДАЛДААГ ГУРВАН БАЙРШИЛД ЗОХИОН БАЙГУУЛЖ БАЙНА
БГД-ийн 28-р хороо, 10-р хорооллын урд талын автобусны буудал орчимд байрлуулсан ТҮЦ-үүдийг нүүлгэлээ
Улаанбаатар °C 
Сэтгэгдэл (0)
Сэтгэгдэл бичигдээгүй байна