Улсын арслан М.Бадарч "Б" сорьцоо шинжлүүлэхээр БНСУ-д очжээ

Энэ жилийн Үндэсний баяр наадмын түрүү бөх Улсын арслан М.Бадарчийн "А" сорьцноос допинг илэрч, улмаар есдүгээр сарын 4-ний өдөр "Б" сорьцоо шинжлүүлэх хүсэлтээ өгсөн.

Улсын арслан М.Бадарч Монголын үндэсний допингийн эсрэг байгууллагад хүсэлт гаргаж, "Б" сорьцыг задлах, шинжлэх ажиллагаанд өөрийн биеэр оролцохоо илэрхийлсэн. Энэ дагуу тэрбээр БНСУ-ын лабораторид өөрийн биеэр очиж, өөрийнх нь шээс мөн эсэхийг шалгаж, Б сорьцынхоо тагийг нээж шинжилгээнд оруулжээ. 

Улмаар "Б" сорьцын хариу нь өнөөдөр гарна гэх мэдээлэл байна. 

Нэмэлт мэдээлэхэд, тамирчин "А" сорьцын шинжилгээг хүлээн зөвшөөрөхгүй бол "Б" сорьцоо нээгээд шинжлүүлэх боломжтой байдаг.