Дархан хотод кино зураг авсан тохиолдолд зардлаас буцаан олгоно

Ш.АДЪЯАМАА

2023/09/24

Соёлын сайд Ч.Номин болон албаны төлөөлөл Дархан-Уул аймгийн Засаг дарга Б.Азжаргалтай уулзаж, Дархан-Уул аймагт эхлэх гэж буй “Соёлын сэргэлт 2023” аян болоод Төрөөс соёлын талаар баримтлах бодлого, орон нутаг дахь хэрэгжилтийн талаар ярилцжээ.

Дархан-Уул аймагт “Соёлын сэргэлт 2023” аяныг “Кинонд ээлтэй Дархан хот” уриан дор зохион байгуулах юм.

Энэ хүрээнд, Монголын Үндэсний Кино урлагийн зөвлөлийн салбар зөвлөл Дархан хотод Кино уран бүтээл туурвисан тохиолдолд зардлын тодорхой хувийг буцаан олгох асуудлыг эрх зүйн хүрээнд бий болгоно.

Мөн кино зураг авалтын павильоныг Дархан хотод байгуулах болоод кино үйлдвэрлэлийн дэд бүтцийг хөгжүүлж, дотоод болон гадаадын кино уран бүтээлчдэд кино зураг авалт хийх таатай орчныг бүрдүүлэх замаар хотын тогтвортой хөгжлийн нэгэн түлхүүр соёлын бүтээлч үйлдвэрлэл тэр дундаа кино үйлдвэрлэл болгож, цаашлаад ЮНЕСКО-гийн Бүтээлч хотуудын сүлжээнд бүртгүүлэх зорилготойгоор хамтран ажиллах боломжуудын талаар санал солилцлоо.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ