ОБЕГ: Газын систeм дэлбэрсэн нь үнэн байна гэх мэт худал мэдээлэл тараахгүй байхыг хүсье

Олон нийтийн сүлжээнд "хотод газ үнэртэж байна, цонх салхивчаа битгий нээгээрэй" гэх мэдээлэл тархаад буй. 

Энэ талаар Онцгой байдлын албанаас тодруулахад газ дэлбэрсэн дуудлага ирээгүй, Налайхад төмрийн үйлдвэрт газын систeм дэлбэрсэн нь үнэн байна гэх мэт худлаа мэдээлэл тараахгүй байхыг хүсье хэмээн мэдээлэл гаргасан бол Засгийн газрын хэвлэлийн албанаас "Яг одоо онцгой байдлын албаныхан Налайх дүүрэгт нөхцөл байдлыг тогтоохоор ажиллаж байна" гэсэн юм. 

Налайх дүүргийн Засаг даргаас уг асуудлыг тодруулахад "манайд байдаг хоёр үйлдвэр одоогоор ажлаагүй байгаа, үйлдвэр шатаагүй, газ дэлбэрээгүй. Тун удахгүй мэдээлэл хийнэ" гэсэн тайлбарыг өглөө. 

Манай сурвалжлах баг Налайх дүүргээс тун удахгүй мэдээллийг хүргэх болно.