2024 онд Засгийн газрын тусгай сангуудаар дамжин нийт 10,135.8 тэрбум төгрөгийн зардал санхүүжүүлэх бол үүний 93.7 хувь буюу 9,505.7 тэрбум төгрөг нь Нийгмийн даатгал, Нийгмийн халамж, Эрүүл мэндийндаатгалын сангуудын зарлага, 6.3 хувь буюу 630.1 тэрбум төгрөг нь бусад тусгай сангийн зардалд хамаарч байна.
Хүснэгт: Засгийн газрын тусгай сангийн зардлын төсөл /тэрбум ₮/
Боловсролын зээлийн сан:
2024 оны төсвийн төсөлд 2023 оны батлагдсан түвшнээс зарим зардлыг нэмэгдүүлэн төлөвлөлөө. Үүнд 2023 оны долдугаар сарын 7-ны өдөр батлагдсан Боловсролын ерөнхий хуулийн шинэчилсэн найруулгад тусгагдсан сургалтын тэтгэлгийн хөнгөлөлт, чөлөөлөлтөөс гадна Засгийн газрын 2022 оны 346 дугаар тогтоолын 3 дугаар хавсралтаар батлагдсан “Дээд боловсролын сургалтын байгууллагын суралцагчид төрөөс санхүүгийн дэмжлэг үзүүлэх журам”-ын 2.1.11-т заасан “төрийн өмчийн их, дээд сургуульд багш мэргэжлээр суралцагч”-д олгох тэтгэлэгтэй холбоотой зардал багтаж байна. Түүнчлэн Ерөнхийлөгчийн нэрэмжит тэтгэлгийн хамрах цар хүрээг нэмэгдүүлж, холбогдох зардлыг туссангийн 2024 оны төсвийн төсөлд тусгажээ.
Нийгмийн халамжийн сан:
Халамжийн сангийн нийт зарлагыг 826.7 тэрбум төгрөг буюу өмнөх оноос 151.9 тэрбум төгрөгөөр нэмэгдүүлжээ. Мөн 2024 оны дөрөвдүгээр сараас дээрх дөрвөн төрлийн халамжийн тарифыг
10 хувь нэмэгдүүлэхээр тооцсон байна.
Хөдөлмөр эрхлэлтийг дэмжих сан:
Монгол Улсын Засгийн газрын 2020-2024 оны үйл ажиллагааны хөтөлбөрийн хэрэгжилтийг хангах зорилгоор Халамжаас-Хөдөлмөрт шилжих, хөдөлмөрийн зах зээлийн эрэлтэд нийцсэн ажиллах хүчин бэлтгэж, хөдөлмөрийн нөөцийн ашиглалтыг нэмэгдүүлэх, зорилтот бүлэг, зорилтот бүс нутгийн онцлогт тохирсон хөдөлмөр эрхлэлтийн бодлоготой нийцүүлэн боловсруулжээ.
Нийгмийн даатгалын сан:
Нийгмийн даатгалын сангийн 2024 оны төсөвт нийт шимтгэлийн орлогын хэмжээг 4,469.6 тэрбум төгрөг, нийт зарлагын хэмжээг 5,145.5 тэрбум төгрөг байхаар төсөвлөв. Улсын төсвөөс тэтгэврийн даатгалын
сангийн 1995 оноос өмнө тэтгэвэр тогтоолгосон иргэдийн тэтгэвэр, цэргийн
албан хаагчдын тэтгэвэр, Зарим иргэний тэтгэврийн хэмжээг нэмэгдүүлэх тухай хууль, тэтгэврийн нөөц сангийн мөнгөжүүлэх арга хэмжээнд нийт 1,134.0 тэрбум төгрөгийн санхүүжилт олгох аж.
Тэтгэврийн сангийн нийт алдагдал 998.7 тэрбум төгрөг байгаа нь өмнөх онтой харьцуулахад 246.4 тэрбум төгрөг буюу 32.8 хувиар нэмэгдсэн байна.
Нийгмийн даатгалын сангийн орлого:
Нийгмийн даатгалын сангийн нийт орлогыг эдийн засгийн идэвхжил нэмэгдэх, Нийгмийн даатгалын баг хуулийн хэрэгжилтийг хангах, нийгмийн даатгалын хамрах хүрээ нэмэгдүүлэх, хөдөлмөрийн хөлсний доод хэмжээ болон төрийн албан хаагчдын цалинг нэмэх зэрэг шалтгаануудыг тооцож 2023 оноос 1,068.8 тэрбум төгрөгөөр нэмэгдүүлж, 4,469.6 тэрбум төгрөг байхаар тооцжээ.
Нийгмийн даатгалын сангийн зарлага: Нийгмийн даатгалын сангийн
нийт зарлага 5,145.5 тэрбум төгрөгөөр төлөвлөсөн нь 2023 онтой харьцуулахад 992.8 тэрбум төгрөгөөр нэмэгдэж байна. Тэтгэврийн хэмжээг 2024 оны дөрөвдүгээр сараас 10 хувиар нэмэгдүүлэх зэрэг нөлөөллийг тооцсон аж.
Түүнчлэн Нийгмийн даатгалын сангийн Капитал банкнаас авах 67.2 тэрбум төгрөгийн авлагыг тусгасан байна.
Эрүүл мэндийн даатгалын сан:
Эрүүл мэндийн даатгалын сангийн орлого: Эрүүл мэндийн даатгалын сангийн 2024 оны төсвийн нийт орлогыг 2,002.2 тэрбум төгрөг байхаар төлөвлөв. Үүний 1,108.4 тэрбум төгрөгийг төр хариуцах
эмнэлгийн тусламж, үйлчилгээ, төрөөс эрүүл мэндийн даатгалын шимтгэлийг нь хариуцан төлөх даатгуулагчдын шимтгэлийн орлогоос тус тус бүрдэхээр байна.
Эрүүл мэндийн даатгалын сангийн зарлага: Эрүүл мэндийн даатгалын сангийн нийт зарлагыг 1,970.6 тэрбум төгрөг байхаар төлөвлөв. Үүнээс эрүүл мэндийн байгууллагад олгох тусламж,
үйлчилгээний санхүүжилтийг 1,758.8 тэрбум төгрөг, эрсдэлийн санг 54.6 тэрбум төгрөг, төр хариуцах эмийн зардлын хяналт, хүртээмжийг сайжруулах зорилгоор эмийн үнийн хөнгөлөлтөд олгох санхүүжилтийг 140.0 тэрбум төгрөг, үйл ажиллагааны зардлыг 17.2 тэрбум төгрөг байхаар тус тус тооцжээ.
Улаанбаатар °C 
Сэтгэгдэл (0)
Сэтгэгдэл бичигдээгүй байна