​Монголын тэргүүлэгч компаниуд Хэнтий аймагт салбараа байгууллаа

Ц.Цэрэнбадам
2023/11/06

Монгол Улсын Засгийн газраас хэрэгжүүлж буй Шинэ сэргэлтийн бодлогын хүрээнд орон нутагт бизнес эрхлэх таатай боломжийг хөрөнгө оруулагчдад танилцуулж, орон нутагт ажлыг байр нэмэгдүүлэх зорилготой "Invest khentii 2023” хөрөнгө оруулалтын чуулган өнгөрсөн баасан гаригт Хэнтий аймгийн Чингис хотноо амжилттай зохион байгуулагдлаа.

Тус арга хэмжээнд яам, тамгын газрын удирдлагууд, томоохон хөрөнгө оруулагчид оролцож, орон нутагт ажлын байрыг нэмэгдүүлэх, эко аялал жуулчлалыг хөгжүүлэх, хөдөө аж ахуй, барилга бүтээн байгуулалт, сургалт судалгааны чиглэлээр нийт 8 санамж бичиг байгуулж, албажуулжээ.

Үүнд манай Улсын тэргүүлэх компани болох “Говь” ХК  100-120 ажилтантай анхны орон нутаг дахь салбар үйлдвэрээ Хэнтий аймагт нээлээ.

Мөн Хэрлэн сумын Өлзийт тосгонд Хөдөө аж ахуйн цогцолбор парк төслийг хэрэгжүүлж байгаа “М-Агро” компанитай хамтран ажиллах гэрээ байгууллаа. Энэхүү компани нь аймаг орон нутгийн 30 гаруй иргэнийг ажлын байртай болгож, малчдаас зах зээлийн үнээс өндөр үнээр мал мах худалдан авч эргэлтэд оруулдгаараа давхар ач холбогдолтой. Цаашид 200 иргэнийг ажлын байраар хангах төлөвлөгөөтэй байгаа аж.

Түүнчлэн зочид буудал, зоогийн газрын үйлчилгээг олон улсын стандартын түвшинд хүргэх, орон нутагт шинээр ажлын байр бий болгох эко жуулчны баазыг Дадал суманд байгуулахад “Исун мод тур” ХХК-тай хамтран ажиллахаар болсон юм.  

Мөн үүрэн холбооны тэргүүлэх компани болох GMOBILE компани Хэнтий аймагт үүрэн холбооны дуудлага хүлээн авах төвөө нээж эхний ээлжид 15-20 хүнийг ажлын байраар хангалаа.

Түүнчлэн 1300 айлын жишиг хорооллын эхлэлийг тавьж “Эм Си Эс Си” компанитай 250 айлын орон сууц барих төслийг хамтран хэрэгжүүлэхээр болсон бол Хаан банкнаас 20 айлыг ипотекийн зээлд хамруулахаар болж, эхний 2 өрхөд батламжийг гардуулан өгсөн юм.

ШУТИС-тай аймгийн хөгжлийн бодлогыг дэмжих сургалт, судалгаа, инновацын чиглэлээр хамтран ажиллах, Хөдөө аж ахуйн сургуультай хөдөө аж ахуйн салбарт хөгжлийн бүхий л асуудлаар мэдээлэл, туршлагаа солилцож харилцан суралцах болон хамтран ажиллах, эрдэм шинжилгээ, судалгаа, технологи хөгжүүлэлт, орон нутагт инновацыг бий болгоход харилцан уялдаатай хамтран ажиллах гэрээг тус тус байгууллаа.

 Бидний санал санаачилгыг хүлээн авч манай аймагт салбар үйлдвэрүүдээ нээж, орон нутагт хөрөнгө оруулалт хийсэн та бүхэндээ дахин талархал илэрхийлье.

Мөн энэхүү чуулганаас мэдээлэл авч манай аймагт хөрөнгө оруулалт хийхээр төлөвлөж байгаа иргэд, ААН та бүхэнд Хэнтий аймаг маань үргэлж нээлттэй байх болно гэдэг дахин хэлмээр байна.

Ингээд "Invest khentii 2023” хөрөнгө оруулалтын чуулган өндөрлөж байна. 


1
angry
0
care
4
haha
1
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Архангай аймгийн Ихтамир сумын нутагт өнөөдөр 4.6 магнитудын хүчтэй газар хөдөлжээ 3 цагийн өмнө
Хаваржилт хүндэрсэн 100 суманд туулах чадвар сайтай автомашиныг олгож эхэллээ 8 цагийн өмнө
Ахиу тунадас орохоор байгаа нь хаваржилтыг улам хүндрүүлэх нөхцөл үүсгэж байна 10 цагийн өмнө
“Малчин түмэндээ тусалъя" хандивын барилдаанд Улсын аварга О.Хангай түрүүлэв 12 цагийн өмнө
Нийслэлийн хөрсний 88 хувь нь бохирдолтой байгаа бол Гэр хороолол орчмын хөрсний 93 хувь нь нян, хөгц, мөөгөнцөртэй... 12 цагийн өмнө
Б.Ариунбилэг: Хуримаа хийгээд хөл дээрээ гүйж байна гэж зүүдэлдэг байлаа 12 цагийн өмнө
“Хүү, охин хоёр минь дөрвөн хүүхдээ үлдээгээд бурхан болсон, ач, зээ нарынхаа төлөө эмээ нь амьдралд бууж өгөх эрхгүй” 12 цагийн өмнө
Цаг агаар: Улаанбаатарт 11 хэм хүйтэн 13 цагийн өмнө
ТАНИЛЦ: Гуравдугаар сард болох хүчит бөхийн барилдааны хуваарь Өчигдөр
Монголд эмчлэх боломжгүй өвчний жагсаалтаас хоёр заалтыг хасах боломж бүрдлээ Өчигдөр
Иргэд: Метрогоор сонгуулийн шоу хийхээ боль, барьчихаад шоуд Өчигдөр
Сэлбэ голын 165,020 тонн мөсийг тээвэрлэжээ Өчигдөр
САГСАН БӨМБӨГ: Азийн аваргуудын лигийн урьдчилсан шатны тоглолтууд ирэх сарын 3-7ны өдрүүдэд болно Өчигдөр
Австрали улс Монгол Улсад 250 мянган австрали доллар хандивлахаар болжээ Өчигдөр
"Малчны хотонд ажиллаж байгаа 318 резидент эмчийн зардалд 325 сая төгрөг зарцуулна" Өчигдөр
Т.Баярхүү: ОБЕГ-т 1.9 тэрбум төгрөгийн бэлэн мөнгө, 773 орчим сая төгрөгийн бараа хандивласан Өчигдөр
Метронд шаардагдах цахилгааны эх үүсвэрийг Бөөрөлжүүтийн цахилгаан станцаас нийлүүлнэ Өчигдөр
Ерөнхийлөгчийн санаачилгаар "Ойн салбарын үндэсний II чуулган"-ыг зохион байгуулна Өчигдөр
ТАНИЛЦ: Өнөөдөр цахилгаан хязгаарлах хуваарь Өчигдөр
ЦУОШГ: Гуравдугаар сарын дунд үеэс хүйтний эрч огцом чангарна Өчигдөр