ТӨСӨВ 2024:   Засгийн газрын их засварын зардал 6.5 тэрбум сумын Эрүүл мэндийн төвийн барилга барих зардал 3.4 тэрбум төгрөг

Засгийн газрын хэрэг эрхлэх газрын  харьяа байгууллагуудын барилгын их засварт 6.5 тэрбум төгрөгийг төсөвлөн ирэх оны төсөвт бүрэн суулгаж өгсөн байна. Харин Сүхбаатар аймгийн Түмэнцогт сумын Эрүүл мэндийн төвийн барилга барих төсөв 3.4 тэрбум гэж төсөвлөгдсөн ч он дамнуулан төсвийн хуваарилалт хийгдэхээр байна. Өөрөөр хэлбэл тус эмнэлгийг 2024-2026 онуудад он дамнуулан барихаар тооцож ирэх оны төсөвт ердөө нэг тэрбумыг хуваарилахаар тооцжээ.

Ирэх оны улсын төсөвт төсвийн ерөнхийлөн захирагч нар буюу сайд нарын багцад задаргаа нь тодорхойгүй өндөр өртөгтэй их засвар, төсөл арга хэмжээнүүд олон байгааг эдийн засагчид шүүмжилж байна.