Жалганд орсон автомашиныг гарган, зорчигчдыг эсэн мэнд аварчээ

Говь-Алтай аймгийн Шарга сумын Баянгол багийн “Ээвийн гүүр” гэдэг газар /аймгийн төвөөс баруун хойд зүгт 80 км-т, сумын төвөөс баруун хойд зүгт 40 км-т/ Суудлын автомашин авто замын хажуугийн жалга руу орж 2 хүн гэмтсэн тухай дуудлагыг 11.14-ний өдрийн 22:44 цагт хүлээн авсан.  

Тус сум дахь Цагдаагийн хэсгийн төлөөлөгчийн ахалсан Засаг даргын Тамгын газрын ажилтнуудыг очиход Ховд аймгаас Улаанбаатар хотын чиглэлд 4 зорчигчтой зорчиж явсан иргэн Г-ын “Ланд крузер прадо-150” загварын суудлын автомашин автозамын хажуугийн жалга руу орж иргэн С  /72 настай, эрэгтэй/, Ц/69 настай, эмэгтэй/ нар гэмтсэн байсныг эсэн мэнд аварч аймгийн Нэгдсэн эмнэлэгт хүргэн өгсөн байна.