Б.Энхбаяр: Бүх цэргийн ангид шалгалт хийх шуурхай ажлын хэсэг байгуулсан

Засгийн газрын хуралдаанаас гарсан шийдвэрийг танилцууллаа. Хууль зүйн сайд Б.Энхбаяр сэтгүүлчдэд өгсөн мэдээлэлдээ "Амь насаа алдсан цэргийн ар гэрийнхэнд эмгэнэл илэрхийлье. Уг үйл явдалтай холбогдуулан бүх цэргийн ангиудад хяналт, шалгалт явуулах шуурхай ажлын хэсэг байгуулсан гэдгийг хэлье. Ар гэрийн зөвшөөрөлгүй задлан шинжилгээ хийсэн гэх асуудалд гэмт хэргийн шинжтэй эсэхийг харгалзан хууль зүйн сайдын оролцоогоос үл хамааран эмч шийдвэр гарган задлан хийх эрхтэй. Одоогийн байдлаар шинжилгээний дүгнэлт гараагүй байгаа болохоор би ч тэр та бүхэн ч тэр урьдчилан ямар нэгэн дүгнэлт хийх нь хуулийн хүрээнд хориотой" гэв.