Талийгаачийн аав: Миний харъя гэсэн бичлэг байхгүй юм байна

Цагдаагийн Ерөнхий газраас өнөөдрийн /2023.11.15/ хэвлэлийн хурлаар өгсөн мэдээлэлдээ Зэвсэгт хүчний 326 дугаар ангид амиа алдсан талийгаач "Д"-н ар гэрийнхэнд цэргийн ангийн камерийн бичлэгийг үзүүлэхээр болж хохирогчийн хууль ёсны төлөөлөгч У.Ганбат бичлэг үзэхээр орсон юм. 

Цагдаагийн байгууллагын зүгээс бичлэг үзэхийн тулд хохирогчийн хууль ёсны төлөөлөгч буюу аавыг нууцын гэрээнд гарын үсэг зурснаар камерийн бичлэгийг үзэх ёстой гэсэн учир гарын үсэг зурахаас татгалзжээ. Түүнчлэн талийгаачийн аавд цэргийн ангийн коридорын бичлэгийг үзүүлж эхэлсэн байна. Тэрбээр бичлэгийг бүрэн эхээр нь үзэх хэрэгтэй байгаа, нийт хорь гаруй хоногийн хугацаа шаардлагатай учир өнөөдөр бичлэгийг үзэхээс татгалзаж буйгаа илэрхийлсэн байна.