"Дугаарын хязгаарлалтын бүсчлэлийг Сонсголонгийн уулзвараас Офицерын тойрог хүртэлх хүрээнд үйлчилнэ"

Нийслэлийн Цагдаагийн дарга бөгөөд Цагдаагийн ерөнхий газрын дэд дарга, хурандаа О.Ганбат бүсчлэлийн талаар мэдээлэл өглөө.

Тэрбээр "Тэгш, сондгойгоор замын хөдөлгөөнд оролцуулахад бүсчлэл маш чухал, бид судалгаагаа хийж байна. Саппорогийн уулзвараас Офицерын уулзвар хооронд, зүүн дөрвөн зам зэргээр хязгаарладаг байсан бол энэ удаад бүсчлэлийг томсгохоор тооцооллыг хийж байна. Одоогоор эцэслэгдээгүй байгаа ч Сонсголонгийн уулзвараас Офицерын ордон хүртэл уулзвар хүртэл зүүн баруун чиглэлийг холбосон бүсчлэлийг тогтооно. Харин хойд чиглэлийг 32-ын тойргоос урагш Маршалын гүүрний хойд хэсэг хүртэл татан сунгая гээд судалгаануудыг гаргаж байна. Энэ мэдээлэл удахгүй албажина. Ганц нэг тоо мэдээний дүгнэлт дутуу байна. Энэхүү зохицуулалт нь  үйтний эрч нэмэгдэж, цацаж буй давс бодис үр дүн муу байгаа учраас зам дээр удаашрал бий болж түгжрэл үүссэнтэй холбоотой" гэлээ.