Бүх нийтээрээ дөрөв хоног дараалан амарна

Нийтээр тэмдэглэлт баярын болон тэмдэглэлт өдрүүдийн тухай хуульд “Нийтээр тэмдэглэх баярын өдөр” улс орны хэмжээнд бүх нийтээр амарч, баяр болгон тэмдэглэнэ гэж заасан. Үндэсний эрх чөлөө, тусгаар тогтнолоо сэргээсний баярын өдөр буюу 2023 оны арванхоёрдугаар сарын 29 энэ жил Баасан гарагт тохиож байна. Харин арванхоёрдугаар сарын 30, 31 Бямба, Ням гарагийг амралтын өдрүүдэд таарч байгаа юм. Түүнчлэн Шинэ жилийн баярын амралтын өдөр болох 2024 оны нэгдүгээр сарын 1 Даваа гарагт тохиож байгаа тул Монголчууд бүх нийтээрээ дараалан дөрөв хоног амарна. 2024 оны нэгдүгээр сарын 2-ны Мягмар гараг шинэ оны анхны ажлын өдөр байх юм.