Гамшиг, аюулт үзэгдлийн улмаас өнгөрсөн долоон хоногт долоон хүн нас баржээ

Улсын хэмжээнд өнгөрсөн долоо хоногт нийслэлийн долоон дүүрэг, 20 аймгийн 39 суманд аюулт үзэгдэл, ослын  85 удаагийн дуудлага бүртгэгджээ.Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэн, 22 хүний амь насыг авран хамгаалсан байна.

Харин гамшиг, аюулт үзэгдлийн улмаас  долоон хүн нас барж, хоёр хүн гэмтэж бэртжээ. Нийт дуудлагын 48 нь гал түймэр, хүний үйл ажиллагаатай холбоотой осол 31 байсан бол тав нь геологийн, нэг нь биологийн гаралтай аюулт үзэгдэл болохыг ОБЕГ-аас мэдээлэв.