Эцэг эхчүүд: Бид нүдэн дээрээ хүүхдүүдээ шатахыг харах ёстой юм уу, ШТС-даа яаралтай буулга

Нийслэлийн 14 дүгээр сургуулийн багш, эцэг эхчүүд сургуулийн орчимд байрлах Шатахуун түгээх станцуудыг буулгахыг шаардаж хэвлэлийн хурал хийлээ. 

Мэдээлэлд "Уг бүс нутагт төрөх эмнэлэг, сургууль байдаг. Гэтэл "Шунхлай" ШТС-ын хашаа хатгачихсан, автомашин, иргэд зорчиход хүндрэлтэй байдаг. Шунхлай шатахуун түгээх станцаас болж 100 метр хүрэхгүй зайд, 12087 иргэний эрх ашиг ноцтой зөрчигдөж байна. Шатахуун түгээх станцд зөвшөөрөл өгсөн цаг үе рүү эргэн очих шаардлагатай байна. Бид хүүхдүүдээ сургуульд явуулахаас үнэхээр айж байна. Нэг хүн тамхины ишээ хаяад гал гарвал яах вэ. Бид нүдэн дээрээ хүүхдүүдээ шатахын харах юм уу. Яагаад сургуулийн орчинд зөвшөөрөл олгож байгаа юм бэ. Улс орноороо эмгэнэл зарлах байтал хэн ч уучлал гуйхгүй байна. Сургууль удахгүй орох гэж байхад яаралтай шийдэх асуудлууддаа анхаарлаа хандуулаач ээ. Бид хүртэл автобусанд суухдаа төөрч будилж байхад нэг хоёрдугаар ангийн хүүхдүүд яаж хичээлдээ явах юм бэ. Та нар хулгай хийдэг шигээ хүүхдийн асуудалд анхаарч ажлаа хийгээч ээ. Бид үр хүүхдийнхээ төлөө явна" гэв.