Ахмад ажилтан, цагдаагийн дэд хурандаа Ш.Батмөнх Монгол Улсын Гавьяат хуульч цол хүртлээ

XVII жарны “Хилэнт эх” хэмээх модон луу жилийн сар шинийн баярын босгон дээр салбартаа үр бүтээлтэй ажилласан Дорноговь аймгийн цагдаагийн газрын ахмад ажилтан, цагдаагийн дэд хурандаа Шарын Батмөнхөд Монгол Улсын Ерөнхийлөгчийн 2024 оны 02 дугаар сарын 01-ний өдрийн 12 дугаар зарлигаар “Монгол Улсын Гавьяат хуульч” цол хүртээлээ.

Ийнхүү Монгол Улсын Гавьяат хуульч, ахмад ажилтан, цагдаагийн дэд хурандаа Ш.Батмөнхөд 2024 оны 02 дугаар сарын 06-ны өдөр Монгол Улсын Их Хурлын гишүүн Б.Дэлгэрсайхан, Монгол Улсын Их Хурлын гишүүн Т.Энхтүвшин, Монгол Улсын Ерөнхийлөгчийн Тамгын газрын Хэвлэл мэдээллийн албаны дарга Ө.Золбаяр нар цолыг нь гардуулан өгсөн юм.

Мөн энэ үеэр Дорноговь аймгийн цагдаагийн газрын удирдлага, бие бүрэлдэхүүн хүлээн авч, хүндэтгэл үзүүллээ.

Монгол Улсын Гавьяат хуульч, ахмад ажилтан, цагдаагийн дэд хурандаа Ш.Батмөнх танд эрүүл энх, хамгийн сайн сайхан бүхнийг хүсэн ерөөе.