Ц.Содномдорж арслан нэгийн даваанд өвдөг шорооджээ

XVII жарны "Хилэнт эх" хэмээх модон луу жилийн битүүний өдрийн барилдаан өнөөдөр/2024.02.08/ эхэллээ. Сүүлийн жилүүдэд сар шинийн уламжлалт барилдааныг хоёр өдөр дараалан зохион байгуулах болсон. Энэ жил даян аварга Н.Батсуурь, улсын аварга П.Бүрэнтөгс,  улсын аварга О.Хангай тэргүүтэй 295 бөх бүртгүүлжээ. Өнөөдрийн барилдаанд  улсын арслан Ц.Содномдоржийг сумын заан Д.Цэрэнням давжээ.  Мөн аймгийн начин Т.Мягмаржав, аймгийн начин Б.Батжаргал, аймгийн начин П.Алтанхуяг тэргүүтэй бөхчүүд улсын цолтноор даваа ахив. Нэгийн даваанд бүдэрсэн онцлох улсын цолтнуудыг дурдвал, улсын харцага Л.Лха-Очир, улсын начин Ө.Батзул, Х.Оргилболд, О.Цэцэнцэнгэл, Б.Түвшинтөгс, Д.Тогтохжаргал нар өвдөг шорооджээ.