Kim Hyun Joong: Монгол Улс тийм аймар хүйтэн газар биш юм байна

Өмнөд Солонгосын алдарт дуучин Bloo, реппер MC Sniper, Цэцэгнээс ч хөөрхөн хөвгүүд цувралын гол дүрийн жүжигчин Ким Хён Жүн нар Монгол Улсад өнөөдөр буюу 2024 оны хоёрдугаар сарын 17нд 18.00 цагт “Your Valentine” тоглолтоо Буянт-Ухаа цогцолборт хийх юм. Энэ тоглолтод Choijoo, Vandebo зэрэг 10 гаруй уран бүтээлчид оролцох юм. 

Тус тоглолтын ерөнхий зохион байгуулагч "Evandis entertainment"-ын хийж буй анхны урлагийн тоглолт нь юм. Тус байгууллага цаашид жил бүр уламжлал болгож өвлийн аялал жуулчлалыг дэмжих зорилгоор урлаг соёлын оддыг эх орондоо авчрахаар төлөвлөж байгаа аж. 

Нэрт дуучин, жүжигчин Ким Хён Жүн Монголд ирсэн сэтгэгдлийнхээ талаар хэлэхдээ тэрбээр "Солонгост байгаа болон дэлхийн өнцөг буланд байгаа фенүүддээ хандаж Монголын тухайн нэг зүйлийг хэлмээр байна. Монгол Улс тийм аймар хүйтэн газар биш юм байна шүү. Өмнө нь үзэсгэлэнтэй хөдөө тал газар зонхилсон улс гэж боддог байсан. Энэ бодлоо өөрчилсөн. Нийслэл Улаанбаатар хот их гоё хот байна. Шөнийн зураглал нь их гоё юм. Бас засуус ихтэй юм байна.

Монголын тухай яг үнэнээ хэлэхэд Солонгосчууд сайн мэддэггүй байсан. Өнгөрсөн зунаас эхлээд олны танил, Солонгостоо нөлөө бүхий хүмүүс аялж ирсэн. Олон бичлэг, кино, нэвтрүүлэг гарсан.Тэндээс их мэдээлэл авсан. Аялал жуулчлалын яамны сайд биднийг хүлээж авч уулзсан. Маш их баяртай байна. Түүхэндээ Солонгос-Монголын хамтын ажиллагаа сайн байсан. Солонгос хүмүүсийг төрөхөд хөх толбо байдаг байсан. Монголчуудад ч бас байдаг гэсэн. Маш олон янзын зүйлээрээ адилхан гэдгээр нь олзуурхаж байна" гэсэн юм.