ОБЕГ: Улсын хэмжээнд 138 машин техник, 360 алба хаагч 14 мянган малчин өрхөд хүрч ажиллана

Ц.Цэрэнбадам
2024/02/19

Онцгой байдлын ерөнхий газрын хурандаа Б.Ууганбаяр:  "Сүүлийн 72 цагийн хугацаанд улсын хэмжээнд цасанд суусан дуудлага мэдээллийг хүлээн авч, онцгой байдлын бие бүрэлдэхүүн тасралтгүй ажилласнаар хохирол багатай даван гарлаа. Засгийн газар, УОК-ын шийдвэр гарч, малчин иргэдэд тусламж үзүүлэх ажиллагааг өнөөдрөөс эхлүүлж байна. Өнөө өглөө тусламжийн бараа буюу малын тэжээлийг хүргэх ажлыг зохион байгууллаа.

Онцгой байдал, Зэвсэгт хүчин, Цагдаа, Хил хамгаалах байгууллагаас нийт 138 техник энэ долоо хоногийн тусгай ажиллагаанд оролцож, 360 алба хаагч үүрэг гүйцэтгэхээр тооцоолж, 14 мянган малчин өрхөд хүрч ажиллана. Үндсэндээ сумаас сумын хооронд 54 мянга гаруй километр зам харгуйг нээхээр төлөвлөж, хүч хэрэгслийн бүрэлдэхүүнийг гаргаж байна

Малчин ард иргэдээс мэдээлэл цуглуулж, УОК-ын Шуурхай штаб дүн шинжилгээ хийсэн. Нэн түрүүнд зам харгуй гаргах хүсэлт ирсэн учраас төрийн цэргийн байгууллага болон хууль сахиулах байгууллагын машин техникээ тооцоолж, үндэсний хэмжээнд ажиллана. Эдгээр машин техник орон нутагт ажиллаж байхад шатах тослох материалаар тасралтгүй хангах асуудал үүснэ. Үүнтэй холбоотойгоор "Петровис" болон "Шунхлай" шатахуун түгээх аж ахуйн нэгж байгууллагатай урьдчилсан байдлаар тохиролцож, гэрээ байгуулан ажиллах асуудлыг шийдсэн. Хоёрт, малчны хотонд өвс тэжээл хүргэх. Эхний ээлжинд аймаг, сумын аюулгүй нөөцийг хүргэж ажиллагаанд 138 машин техник дэмжлэг үзүүлнэ. Өвс тэжээл хүргэх явцдаа зам харгуйгаа гаргана.

Өнөө өглөө 06.00 цагт Засгийн газрын гишүүд, УОК-ын гишүүдийн ахалсан зургаан шуурхай бүлэг орон нутаг руу хөдөллөө. УОК-ын Шуурхай штабаас эдгээр зургаан бүлэгт тулгамдаж байгаа хүндрэл бэрхшээлийг хянаж, шийднэ. Эхний бүлэг Булган аймгийн Баяннуур суманд очоод байна. Сая Онцгой байдлын байгууллагын тэжээлийн цэгээс буюу Улаанбаатар хотоос Зэвсэгт хүчний 11 нэгж техник, Онцгойгийн хоёр нэгж техник болон өмнөө чирэгчтэй зам гаргагч техник гээд нийт 14 техник тэжээл ачаад гарлаа. Сүхбаатар аймагт төмөр зуд нүүрлэж, маш хүнд нөхцөл байдалтай байгаа учраас хамгийн эхэнд тухайн орон нутагт малын тэжээлийг хүргэнэ. Засгийн газрын сүүлийн шийдвэрээр 6100 гаруй тонн тэжээлийг хүмүүнлэгийн тусламж хэлбэрээр олгож байгаа. Үндсэндээ улсын хэмжээнд 17 аймагт байгаа орон нутгийн улсын нөөцийн цэгээс эдгээр тэжээл хамгийн хүнд нөхцөл байдалтай аймаг, сумдад хүрнэ" гэв.



1
angry
0
care
0
haha
0
liked
0
love
0
sad
0
wow

Сэтгэгдэл (6)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.88.157
2024/02/19
0
0
Малын хороог бэлчээрт олноор байгулаөрай
Хариулах
202.126.88.157
2024/02/19
0
0
Шалгуур байгалийн.Зүгээр л харсэн дээр сүлжээгээ сайжруул
Хариулах
103.9.90.100
2024/02/19
0
0
мал аж ахуйн талаар авч хэрэгжүүлэх төрийн нэгдсэн алсын хараатай бодлого байхгүйн хор нь гарч байна даа.. малчид ч гэсэн ядаж хашаа хороо саравч аа бэлдэхгүй
Хариулах
103.9.90.100
2024/02/19
0
0
БЭЛЧЭЭРИЙН МАЛ АЖ АХУЙГ ЭРЧИМЖСЭН БУЮУ ФЕРМЕРИЙН МАЛ АЖ АХУЙТАЙ ХОСЛУУЛАХГҮЙ БОЛ МАЛЧИД МАЛГҮЙ ХОЦРОХ НЬ БАЙНА ШҮҮ ДЭ
Хариулах
103.9.90.100
2024/02/19
0
0
Өвлийн бэлтгэл ажил аа сайн хангасан, дулаан хашаа хороо саравчтай өвс тэжээл хивэг ээ бэлдсэн нөөцөлсөн малчин өрх айл ямар ч хүйтэн өвлийг ажрахгүй байна. Харин зунжин найр наадам хийсэн нөхдүүд хашаа хороо саравчгүй мал нь зутргаад малыг нь өрөвдмөөр юм..
Хариулах
103.9.90.100
2024/02/19
0
0
МАЛЧИД ЯДАЖ ХАШАА САРАВЧГҮЙ БАЙНА ШҮҮ ДЭЭ. ИНГЭЖ МАЛ МАЛЛАНА ГЭЖ БАЙХ УУ. МАЛЫГ НЬ ХАРААД ӨРӨВДӨХ ЮМ.. АРАЙ Ч ДЭЭ..
Хариулах
Шинэ мэдээ
Дэлхийн аваргын мөнгөн медальт багийг Ч.Ундрам сайд хүлээн авна 6 цагийн өмнө
Үндэсний өв соёлоо тээж, зодог өмссөн бүхэн жудаг суудаг 7 цагийн өмнө
СХД-н ИТХ-ын дарга Б.Золбоо автомашин гардууллаа 8 цагийн өмнө
Унадаг дугуй хулгайлж зардаг бүлэг этгээдүүдийг илрүүлжээ 9 цагийн өмнө
Баярын амралт амралтын өдөртэй давхацвал нөхөж амрах хуулийн төслийг дэмжлээ 9 цагийн өмнө
Г.Занданшатар: Төрийн зарим чиг үүргийг хувийн хэвшилд шилжүүлснээр хүнд суртал буурна 10 цагийн өмнө
Худалдагч эмэгтэй нүдэндээ гуурс тавиулна 10 цагийн өмнө
Танилц: Төрийн гурван өндөрлөгийн ХОМ 11 цагийн өмнө
Улаанбурхан өвчний батлагдсан тохиолдол 11016-д хүрлээ 12 цагийн өмнө
АНХААРУУЛГА: Тэрэлж, Туул зэрэг голуудын усны түвшин өмнөх өдрөөс 5-60 см нэмэгджээ 12 цагийн өмнө
Сэлэнгэ аймагт гарсан 3 түймрийг цурамд оруулж, 1 түймрийг унтраахаар ажиллаж байна 14 цагийн өмнө
Наадмыг зохион байгуулахдаа сүүлийн үеийн техник, технологийн дэвшил дрон зэргийг ашиглана 14 цагийн өмнө
​Өнгөрөгч амралтын өдрүүдэд хүний амь нас хохироосон гэх хоёр дуудлага иржээ 14 цагийн өмнө
​ ЭЗБХ: “Алт -3” аяныг хэрэгжүүлж, хянан шалгах түр хороо байгуулахыг дэмжив 16 цагийн өмнө
Ахмад настанд хөнгөлөлттэй үнээр үйлчилэх амралт, сувиллын жагсаалт гарлаа 16 цагийн өмнө
Улаанбаатарт 31 градус дулаан байна 17 цагийн өмнө
БОУАӨ-ийн сайд Б.Батбаатар орон нутагт ажиллалаа Өчигдөр
Нархан хотхоноос “Home Plaza” хүртэл 430 метр нийтийн эзэмшлийн зам талбайг чөлөөлж, явган хүний замыг өргөтгөн, стандартад нийцүүлнэ Өчигдөр
Ирэх 7 дугаар сард цаг агаар ямар байх вэ? Өчигдөр
УИХ дахь АН-ын бүлэг дахин хуралдаж байна Өчигдөр