Сарын хугацаанд 4.2 тэрбум төгрөгийн мал, мах арилжжээ

Засгийн Газраас мал, махыг биржээр дамжуулан дундын зуучлалгүйгээр арилжаалах ажлыг энэ оны нэгдүгээр сарын 17-ны өдрөөс эхлүүлсэн.

Малчид хөдөө аж ахуйн биржээр дамжуулан хонь, үхэр, ямаа, адууны махыг арилжаалж байгаа бөгөөд нэг сарын хугацаанд нийт 465 тонн мах буюу 4.2 тэрбум төгрөгийн мал, махны арилжаа хийгдээд байна. Мөн өнгөрсөн сар гаруйн хугацаанд 18 аж ахуйн нэгж малчдаас 120 мянган толгой хонь худалдан авч булангийн орнууд руу гаргажээ.

Мал, махны төвлөрсөн зарын платформ www.trade.mce.mn вэбсайтаар дамжуулан мал, махаа арилжих боломжтой юм.

Эх сурвалж: ХХААХҮЯ